भांगरभूंय | प्रतिनिधी
भागधारकांक स टक्के लाभांश जाहीर
दिवचल, प्रतिनिधी : सहकार मळार फाटलीं अडतीस वर्सां जालीं कार्यरत आशिल्ल्या दिवचल अर्बन सहकारी बँकेक अर्थीक वर्सा २ कोटी ७१ लाख रुपयांचो फायदो जाला. ताका लागून तांणी भागधारकां खातीर स टक्के लाभांश जाहीर केला.
बँकेच्या भागधारकांची वर्सुकी बसका नंदनवन मुखेल कार्यालयाच्या सभाघरांत जाली. ह्या वेळार अध्यक्ष गुरुदत्त संझगिरी, उपाध्यक्ष प्रवीण झांटये, संचालक उमेश झांट्ये, डॉ. शेखर साळकार, पल्लवी साळगांवकार, रामचंद्र गर्दे, रोहित झांट्ये, विनायक शिरोडकार, रामानंद नाटेकार, सुदेश नायक, सुरेश पर्रीकार, रोहिदास जल्मी, सुविधा कडकडे वेवस्थापकीय संचालक विठ्ठल प्रभुदेसाय आनी हेर हाजीर आशिल्ले.
बँकेचे उदरगती खातीर भागधारकांनी संचालक अधिकारी, कर्मचारी वर्गाक परबीं भेटयलीं.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
