भांगरभूंय | प्रतिनिधी
कुडीचे उदरगती खातीर निरोगी आनी पोशक आहार गरजेचो. देखून सदांच गरम जेवण जेवप चड बरें. घरांत गरम जेवण सगळ्यांक शक्य जाता, पूण ऑफिस, शाळा वा हेर कामांचेर वचपी ते गरम करीनासतना खावपी लोक आसात. भलायकी तज्ञांच्या मतान गरम जेवण आमचे भलायके खातीर फायदेशीर आसा जाल्यार थंड जेवणान भलायकी इबाडूंक शकता.
गरम अन्न खाल्यार पोटांत त्रास जावपाचोय धोको उणो जाता, अशें भलायकी तज्ञ सांगतात. गरम अन्न आंगांत पावतकच पोट तें सहजपणान शोशून घेता. ते पचपा खातीर कुडीक खूब कश्ट करचे पडनात. सतत थंड अन्न खाता जाल्यार ताका लागून पोट दुखूंक शकता वा पोटा संबंदीत जायते त्रास जावंक शकतात.
थंड जेवणांत बॅक्टेरिया आसूं येतात. गरम अन्न चड पोशक आसता. तातूंत बॅक्टेरिया नासतात. तशेंच जेवण सारकें शिजोवन खाल्यार ते इबाडपाची शक्यताय उणी जाता. देखून तुमच्या आहारांत सदांच गरम आनी ताजें जेवण पसंत करचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
