भांगरभूंय | प्रतिनिधी
० नानोडें – दिवचलच्या श्री शांतादुर्गा कळंगुटकान्न देवळांत ११ सप्टेंबराक चवथो श्रावणी सोमार मनयतले. त्या निमतान वेगवेगळ्यो कर्यावळी जातल्यो आनी सांजवेळार ७ वरांचेर लाडफेंच्या श्रीसांतेरी केळबाय भजनी मंडळाचें भजन जातलें.
० सरकारी कला, वाणिज्य आनी विज्ञान महाविद्यालय, खांडोळें – माशेल वतीन आंतर महाविद्यालयांतल्या विद्यार्थ्यां खातीर ‘घुमट स्वर’ ही घुमट आरती सर्त घडोवन हाडल्या. ही सर्त सोमारा 11 सप्टेंबराक सकाळीं 10 वरांचेर तामसुलेच्या ‘बिग बी’ सभाघरांत जातली.
० कुशळटाय विकास आनी उद्देजकताय संचालनालयान 11 सप्टेंबर दिसा पेडणेंच्या सरकारी आयटीआय केंद्रांत प्रधानमंत्री राष्ट्रीय अप्रेंटीसशीप मेळावो आयोजीत केला. ह्या मेळाव्यांत भौशीक आनी खाजगी आस्थापनां वांटेकार जातलीं. अप्रेंटीसशीप कायदो 1961 खाला अप्रेंटीस म्हूण उमेदवारांची भरती करतले. इत्सूक आयटीआय प्रशिक्षणार्थी आनी हेर थळाव्या युवकांनी नांवनोंदणी करपा खातीर सकाळीं 10 वरांचेर मेळाव्याच्या थळार हाजीर रावचें. चड म्हायती खातीर पेडणेंच्या सरकारी आयटीआय केंद्रांत- 0832-2954341 / 9923144341 ह्या फोन क्रमांकाचेर संपर्क करचो.
० ढवळी सार्वजनीक गणेशोत्सव मंडळा वतीन दर वर्सा प्रमाण ७ दीस विवीध धर्मीक आनी सांस्कृतीक कार्यावळींचें आयोजन केलां. चवथी निमतान लोकांक बाजार करपाक सोपें जावचें देखून ह्या मंडळान चवथीच्या बाजाराचें आयोजन केलां, अशी म्हायती मंडळाचे अध्यक्ष अनिल नायर हांणी दिली.
० श्री सांतेरी कलामंच सत्तरी हे संस्थे वतीन गणपती देखावो आनी रांगोळी सर्त आयोजीत केल्या. ही स्पर्धा पर्यें, मोर्ले आनी केरी पंचायत वाठारा पुरती मर्यादीत आसतली. तशेंच मर्यादीत लोकांकूच प्रवेश मेळटलो. ह्या दोनूय सर्तींक पिरायेचें बंधन ना. नांव नोंद करपाची निमाणी 16 सप्टेंबर अशी आसा. 9284450956 ह्या क्रमांकाचेर गुगल पे केल्यार प्रवेश पक्को करतले. चड म्हायती खातीर 350080049/ 9373565429/ 7972842956 ह्या क्रमांकाचेर संपर्क करचो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
