भांगरभूंय | प्रतिनिधी
पणजी, प्रतिनिधी ः गोंय वैजकी महाविद्यालय तशेंच म्हापशें जिल्लो हॉस्पिटला वेलो ताण उणो करपा खातीर सरकारन साखळे भलयाकी केंद्रांत मोतीबिंदू शस्त्रक्रियेची वेवस्था केल्या. मात, आतां साखळें भलायकी केंद्रा वेलो ताण वाडपाक लागला. हॉस्पिटलात मंगळारा आनि बिरेस्तार अशे दोन दीस शस्त्रक्रिया जातात. 16 ऑगस्टाक ऑपरेशन थेटराचें मुख्यमंत्री डॉ. प्रमोद सावंत हांचे हस्तुकीं उक्तावण जालें. 25 दिसांत 12 शस्त्रक्रिया जाल्यात, अशी म्हायती हॉस्पिटल वैजकी अधिकारी बीर हांणी दिली.
सध्या 50 परस चड दुयेंती प्रतीक्षा वळेरेंत आसात. दिसान दीस शस्त्रक्रियेची प्रतीक्षा वळेरी वाडत आसा. दिवचल, सांखळे आनी सत्तरींतले दोळ्यांचे दुयेंती सांखळे शस्त्रक्रिये खातीर येतात. सद्याची गर्दी पळयल्यार ही वेवस्था रोखडीच उणी पडटली, अशी स्थिती आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
