भांगरभूंय | प्रतिनिधी
गोंय विद्यापिठाचो 33वो पदविदान सुवाळो
भांगरभूंय I प्रतिनिधी
पणजी : देशांत ‘आत्मनिर्भर भारत’ जाल्यार गोंयांंत ‘स्वयंंपूर्ण गोंय’ मोहीम सुरू आसा. आत्मनिर्भर भारत हें गांंधीजींचें सपन आशिल्लें. देशाक राजकी न्हंय जाल्यार सामाजीक आनी अर्थीक स्वातंंत्र्याची गरज आसा, अशें राष्ट्रपिता गांंधीजींचें सपन आशिल्लें, अशें राज्यपाल पी एस श्रीधरन पिल्लई हांंणी सांगलें. गोंय विद्यापिठाच्या पदवीदान सुवाळ्यांत राज्यपाल उलयताले.
मुख्यमंंत्री डॉ. प्रमोद सावंंत, कुलगुरू प्रो. हरिलाल मेनन, कुलसचीव नाडकर्णी, विभागाचे मुखेली तशेंच विद्यार्थी सुवाळ्याक हाजीर आशिल्ले.
मुखेल सोयरे ह्या नात्यान पदवीदान सुवाळ्यांत उलयतना राज्यपालांंनी महात्मा गांंधीजींचें विचार तशेंच कार्याचो उल्लेख केलो. देशाक 1947 वर्सा स्वातंंत्र्य मेळ्ळें. देश जेन्ना स्वातंंत्र्याच्या खोशयेंत आसलो तेन्ना गांंधीजी गांवांत आशिल्ले. देशाक फक्त राजकी स्वातंंत्र्य पुराय थारचें ना. सामाजीक आनी अर्थीक स्वातंंत्र्याची लेगीत तितलीच गरज आसा. गांंधीजींनी 1930 वर्सा हे विचार उक्तायिल्ले.
देशांत आतां आत्मनिर्भर भारत मोहीम सुरू जाल्या. गोंयांंत स्वयंंपूर्ण गोंय मोहीम सुरू जाल्या. आत्मनिर्भर भारताचें सपन गांंधीजींचें आशिल्लें. आत्मनिर्भर भारत ही राजकी मोहीम न्हय. देश तशेंच तरणाट्यांंच्या फुडारा खातीरची ही मोहीम आसा.
गोंयांंक 1961 वर्सा स्वातंंत्र्य मेळ्ळें. स्वातंंत्र्य मेळ्ळें उपरांंत पंंचवर्सुकी नियोजन येवजण सुरू जाली. पंंचवर्सुकी येवजणेचीं उद्दिश्टां साध्य जाली काय? हाचो अभ्यास जावपाक जाय. विद्यार्थी वा अर्थतज्ज्ञ हो अभ्यास करपाक शकतात. भारत देश पयलीं सावन समृद्ध देश आसा. सतराव्या आनी अठराव्या शेंकड्यांत भारताची दरडोई येणावळ 23 टक्के आशिल्ली. अमेरिका वा ब्रिटनची दरडोई येणावळ (जीडीपी) लेगीत इतलो नाशिल्लो. स्वातंत्र्या उपरांंत आतां देशाचें अर्थवेवस्थेत सुदारणा जावपाक लागल्या. पांच वर्सां पयली भारताची अर्थवेवस्था सवे सुवातेर आशिल्ली. आतां ती चवथें सुवातेर पावल्या. अशें राज्यपालान सांंगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
