भांगरभूंय | प्रतिनिधी
दुचाकीचेर वडाचें झाड पडून बायलेक मरण
फोंडेंः शीर तारीवाडो (शिरोडें) मतदान करून घरा वतना एका जोडप्याच्या दुचाकीचेर वडाचें झाड पडून बायल अदिती व्यंकटेश नायक (40, वरभाट, शिरोडें) हिका मरण आयलें, जाल्यार घोव व्यंकटेश नायक (45) गंभीर जखमी जाला. ताचेर शिरोड्यां मुळाव्या हॉस्पिटलांत उपचार सुरू आसात.
व्यंकटेश नायक आपले घरकान्नी सयत बुधवारा सांजे 4.45 वराच्या सुमाराक प्रभाग 4त मतदान केंद्रांचेर मतदाना खातीर गेल्लो. मतदान करून तो आपल्या जीए 05 सी 8306 क्रमांकाचे दुचाकी वयल्यान घरा वतना वाटेत तांच्या दुचाकीचेर वडाचें झाड पडून अदितीक मरण आयलें, जाल्यार व्यंकटेशाक गंभीर दुखापत जाली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
