भांगरभूंय | प्रतिनिधी
संवसारात तकली दुखना असो जिवो मनीस मेळप शक्यच ना. आमी सदांच जायत्या जाणां कडल्यान तकली दुखपाची कागाळ आयकतात आनी केन्ना केन्ना आमकांय ताचो त्रास जाता. संवसारांतल्या 52 टक्के लोकांक दर वर्सा तकली दुखपाचे त्रास जातात अशें नव्या संशोधनांतल्यान दिसून येता. विशेश म्हळ्यार तकली दुखपी लोकां मदीं दादल्यां परस बायलो चड आसात.
नॉर्वेच्या विज्ञान आनी तंत्रज्ञान विद्यापिठाच्या संशोधकांचो अहवाल हालींच जर्नल ऑफ हेडेक अँड पेन ह्या दिसाळ्यांत उजवाडाक आयला. हाचे प्रमाण २० ते ६५ वर्सां पिरायेच्या गटांत तकली दुखपाचें प्रमाण चड आसा. हें संशोधन १९६१ ते २०२० ह्या काळांत वेळावेळार उजवाडाक आयिल्ल्या अहवालाचेर आदारीत आसा. तातूंत तकली दुखपाच्या कारणांचो अभ्यास केला. ते प्रमाण 26 टक्के लोकांक ताण येवपाक लागून तकली दुखता. तातूंतल्या ४.६ टक्के लोकांची म्हयन्याक १५ दीस वा ताचे परस चड काळ तकली दुखता.
१५.८ टक्के लोकांक तकली दुखप केन्नाय सुरु जाता. आनी तातूंतल्या ५० टक्के लोक मायग्रेन जाल्ल्याचें सांगतात. तकली दुखप हो एक सामान्य दुयेंस आसलो तरी ताचो परिणाम दरेकल्याक वेगवेगळ्या तरेन जाता, देखून तकली दुखपाचेर बरें उपाय सोदून काडचे पडटले. ८.६ टक्के दादल्यांक आनी १७ टक्के बायलांक मायग्रेनाचो त्रास जाता. म्हयन्यांत 15 दिसां परस चड काळ तकली दुखप प्रमाणात 6 टक्के बायलो आनी 2.9 टक्के दादल्यांचे प्रमाण आसा
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
