हें खावन करात पुराय कूड डिटॉक्स
भांगरभूंय | प्रतिनिधी
आंगाक माल पडपी पदार्थ जेन्ना कुडींत भितर तयार जातात तेन्ना ते भायर काडप गरजेचें. कुड डिटॉक्स करप गरजेचें आसता.
कूड डिटॉक्स जाल्ल्यान व्यक्ती निरोगी उरता आनी ताची पचनक्रियाय सुदारता. शरिरांत नवी उर्जा जल्म घेता आनी मानसीक भलायकीय बरी उरता. तुमी ह्यो कांय भाजयो वापरून तुमचें कूड डिटॉक्स करपाक शकता.
कोंकण दुदी डिटॉक्स खातीर सगळ्यांत बरो. दुदयांत भरपूर प्रमाणांत फायबर आशिल्ल्यान पचन बरे तरेन जाता. ताका लागून कोठ्याची पिडा (बद्धकोश्ठता), अपचन, ऍसिडिटी सारकिल्ल्यो समस्या जाणवना. दुदयांत कॅलरीज उण्या प्रमाणांत आसता आनी उदकाचें प्रमाण चड आसता. ताका लागून दुदयाची भाजी वजन देंववोवपा खातीर फायद्याची. दुदी खाल्ल्यान बरोच वेळ पोट भरिल्ले वरीं जाता. दुदयाक लागून ब्लड शुगरूय कंट्रोलांत उरता. दुदयाचो जूस आतकड्यो आनी मुत्राशय साफ करता. मात दुदयाची भाजी करतना वा ज्यूस करतना दुदी कोडू आसा काय ना तो पळोवचो. कोडु दुदयाचो ज्युस पिवचो न्हय.
मस्काच्यो शेंगो : मसकाच्या शेंग्यांक आयुर्वेंदांत सुपरफूड मानतात. तातूंत कॅल्शीयम, आयरन, मॅग्नेशियम, प्रोटीन आनी व्हिटॅमीन सीचें भरपूर प्रमाण आसता. मसकाच्यो शेंगो नेमान खाल्ल्यान ब्लड प्रेशर कंट्रोलांत उरता. तशेंच हातूंत अँटी इंफ्लेमेटरी गुण आसतात जाका लागून शरिरांतली सूज देंवता. पचनक्रिया सुधारपा खातीर आनी वजन देंवोवपाक मसकाच्यो शेंगो फायद्याच्यो.
आलें : ताजें आलें भलायके खातीर फायद्याचें. हाका आयुर्वेदांत खूब म्हत्व आसा. आलें सदां खाल्यार थंडी, खोंकली, ताळो दुखप, बद्धकोश्ठताय सुदारता. तशेंच आलें अस्थमा आनी स्वासा कडेन संबंदीत दुयेंसाचेर परिणामी थारता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
