भांगरभूंय | प्रतिनिधी
पणजी : सासष्टींतल्या दवर्लीचे आदले जिल्लो पंचायत वांगडी तशेंच नावेलेचे भाजपाचे कार्यकर्ते परेश नायक (५३) हांकां काळजाच्या आताकान मरण आयलें. वाडदिसा दिसाच तांचेर काळान घालो घालो. अनमोड घाटांतल्यान प्रवास करतना ही घडणूक घडली.
परेश नायक हांकां काळजाचो आताक आयिल्ल्याची म्हायती मेळटांच भाजप फुडारी पिळयेंच्या मुळाव्या भलायकी केंद्रांत पावले. हातूंत सभापती गणेश गांवकार, भाजप प्रदेशाध्यक्ष दामू नायक, खेळां मंत्री रमेश तवडकार आनी हेरांचो आसपाव आशिल्लो.
मजगतीं, तांच्या मरणान भाजप प्रदेशाध्यक्ष दामू नायक, मुख्यमंत्री डॉ. प्रमोद सावंत, नावेलेचे आमदार उल्हास तुयेंकार हांणी दुख्ख उक्तायलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
