भांगरभूंय | प्रतिनिधी
मडगांव, प्रतिनिधी ः नव्या वर्साक येवकार दिवपा खातीर वार्काच्या एका रिसाॅर्टांत राविल्ले बायलेचें मंगलसूत्र आनी पयशे चोरले. ह्या प्रकरणांत निवेदिता शंकर टी. एम (35, मुंबय) हांच्या कागाळी उपरांत गुन्यांव नोंद केलो.
मेळिल्ले म्हायती प्रमाण डोंबीवली मुंबयच्यान निवेदिता शंकर टी. एम. ही बायल गोंय भोंवडेर आयिल्ली. वार्का एका रिसॉर्टांत ती रावली. त्याच कुडींतल्या बाल्कनीचें दार उगडून चोरांनी पांच लाखांचें मंगळसूत्र आनी 11 हजार रुपया चोरून व्हेले.
ही घडणुक 29 डिसेंबराक घडली. सोद घेवन लेगीत मंगळसूत्र आनी पयशे मेळूंक नाशिल्ल्यान निवेदिता हांणी कोलवा पुलीस स्टेशनांत कागाळ दाखल केली. ते प्रमाण अनवळख्या आड पुलिसांनी गुन्यांव नोंद केलो. पुलीस निरिक्षक रितेश तारी हांच्या फुडारपणा खाला उपनिरिक्षक ए. टी. कृष्णा ह्या प्रकरणाचो फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
