भांगरभूंय | प्रतिनिधी
पणजी : म्हापशें बाजारांत एकाच दिसा पांच दुकानां फोडलीं. दुकानांतल्यान पयशे फारायले आनी थंयच्यान पळ काडली. पुलीस सध्या तांचो सदो घेतात.
अनवळखी चोरांनी दुकानां फोडून भितर प्रवेश केलो आनी कावंटरांत आशिल्ले पयशे चोरले. हे घडणुकेक लागून थळाव्या वेपार्यां मदीं भंयाचें वातावरण निर्माण जालां. सुरक्षेचे नदरेन आनीक खर उपाय करपाची मागणी सध्या ते करतात.
आयज सकाळीं दुकानां उक्तीं करपा खातीर आयिल्ल्या दुकानांच्या धनयांक हो प्रकार समजतांच तांणी रोखडीचे पुलिशेंत कागाळ केली.
पुलिसांनी घडणुके सुवातेर येवन पळोवणी करून तपास करपाक सुरवात केल्या.
सीसीटीव्ही फुटेजीच्या आदारार चोरांक धरपाचो यत्न म्हापशें पुलीस करतात. हे घडणुके उपरांत बाजारांतले सुरक्षिततायेचो प्रस्न मुखार आयला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
