भांगरभूंय | प्रतिनिधी
पणजीः आमदार मायकल लोबो आनी दिगंबर कामत हांचे आड प्रदेश कॉंग्रेस अध्यक्ष अमीत पाटकार हांणी दाखल केल्ली अपात्रताय याचिका सभापती रमेश तवडकार हांणी भायरायल्या. विधानसभा अधिवेशना वेळार जुलय 2022 वर्सा पाटकार हांणी ही याचिका दाखल केल्ली. आमदार मायकल लोबो आनी दिगंबर कामत हे त्या वेळार काँग्रेस पक्षांत आशिल्ले. मायकल लोबो हे तेन्ना विरोधी पक्ष फुडारी आशिल्ले. लोबो आनी कामत हांणी काँग्रेस पक्षात फुट घालपाचें यत्न केले. ते खातीर तांकां अपात्र करचें अशी मागणी पाटकार हांणी अपात्रताय याचिकेत केल्ली. हे याचिकेचेर बऱ्योच सुनावण्यो जावन सभापती तवडकार हांणी याचिका भायरावपी निवाडो दिला.
सप्टेंबर 2022 वर्सा काँग्रेसच्या 8 आमदारांनी वेगळो गट स्थापन करुन भाजपांत प्रवेश केलो. ह्या 8 आमदारां आड आनीक अपात्रताय याचीका सभापती कडेन प्रलंबीत आसात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
