भांगरभूंय | प्रतिनिधी
मडगांव, प्रतिनिधी ः कोंकण रेल्वे पुलिसांनी गस्ती वेळार मडगांव रेल्वे स्टेशनाचेर दुबावीत मोहम्मद युसुफ (रा. दावणगिरी, कर्नाटक) ह्या चोराक अटक केली. ताचे कडल्यान अडेज लाखांचें 11 मोबायल फोन जप्त केल्यात.
मडगांव रेल्वे स्टेशनाचेर कोंकण रेल्वे पुलीस गस्त घालतात आनी दुबावीत कितेंय दिसलें जाल्यार त्या मनशाची चवकशी करतात. शुक्रारा रातीं कोंकण रेल्वे स्टेशनाचेर दुबावितपणान एक मनीस भोंवतना दिसलो ते उपरांत पुलीस कॉन्स्टेबल इर्शाद शेख आनी संजय गांवकार हांणी ताची चवकशी केली पूण तांकां ताणें योग्य जाप दिली ना. उपरांत मूळ कर्नाटकाचो मोहम्मद युसुफ हाका पुलिसांनी अटक केली. ताची बॅग तपासली तेन्ना तातूंत 11 मोबायल फोन सांपडले.
फुडली चवकशी कोंकण रेल्वे पुलीस निरिक्षक सुनील गुडलर हांच्या फुडारपणा खाला उपनिरिक्षक कुणाल वर्लेकार करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
