भांगरभूंय | प्रतिनिधी
नवी दिल्ली, खबरां संस्था ः न्हिदेंत घोरपाची संवय आसल्यार जतनाय घेवपाची गरज आसा. कारण ही संवय धोक्याची थारूंक शकता. न्हिदेंत घोरल्यार स्वास घेवपाक आडखळ येता. जाका स्लीप एपनिया (sleep apnea) अशें म्हणटात. आनी ताका लागून कुडींतल्या ऑक्सिजनाची पातळी देंवता. ताचो परिणाम काळजाचेर आनी मेंदवाचेर जावं येता.
स्लीप एपनिया म्हणल्यार कितें?
न्हिदेंत चड वेळ घोरपाची संवय आसल्यार हो एक दुयेंस. आनी तो असो दुयेंस जो पुरायपणान बरो जावंक शकना. ह्या दुयेंसाक स्लीप एपनिया अशें म्हण्टात. दीसभर खूब थकले आनी न्हीदले बरोबर रोखडेच घोरपाक लागले जाल्यार भियेवपाची गरज ना अशें दिल्लीच्या AIIMS चे पलमोनोलॉजिस्ट डॉ. सौरभ मित्तल सांगतात. पूण तुमकां जर दर दिसा घोरपाची संवय आसल्यार मागीर तुमकां एक दुयेंस आसा. ते खातीर तुमकां स्लीप एपनिया चांचणी करची पडटली. दिल्लीच्या एम्स हॉस्पिटलान स्लीप एपनिया विशींचे सगळे अभ्यास एकठांय करुन संशोधन केले. तांतूतल्यान देशांतल्या 13 टक्के लोकांक ह्या दुयेंसाची समस्या आशिल्ल्याचे उक्तें जालां.
वजन वाडप, मोटसाण हाका लागून स्लीप एपनिया जाता. जे भलायकेक धोक्याचे थारुंक शकता हाका लागून स्लीप एपनिया चांचणी करप गरजेचें. स्लीप एपनिया चांचणी करपाखातीर दुयेंतीक लॅबांत न्हिदोवन दवरतात. ते उपरांत ताच्या काळजाच्या आनी मेंदवाच्या कार्याचेर मॉनिटरींग करतात. भारतांत स्लीप फिजिशियन खूब उणे आसात. पूण कांय पल्मनोलॉजिस्ट, ईएनटी, कांय डेंटिस्ट ही चांचणी करतात.
हें दुयेंस पुरायपणान बरो जायना
स्लीप एपनिया पुरायपणान बरो जायना. पूण ताचो उपचार करुन ताचो त्रास उणो जाता. हातूंत न्हिदचे वेळार सी-पेप नांवाचें यंत्र नाकाक जोडून न्हिदचे पडटा. हाचे वरवीं स्लीप एपनिया नियंत्रीत करूं येता. बरो जावंक शकना. हाका लागून घोरप आनी स्वास घेवपाची समस्या उणी जाता. कारण न्हिदेंत घोरल्यार ऑक्सिजनाची पातळी उणी जाता. ऑक्सिजनाचो उणाव काळजाच्यो आनी मेंदवाच्यो धमनी दुबळ्यो जातात. हो दुयेंस चड काळ चालू उरल्यार काळजाचो आताक आनी मेंदवाचो आताक येवपाचो धोको वाडूंक शकता. ताका लागून वेळार चांचणी करुन तो नियंत्रणात दवरल्यार बरो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
