भांगरभूंय | प्रतिनिधी
पणजी, प्रतिनिधी: जनावरां सांबाळ आनी चिकित्सा सेवा खात्यान भारत सरकाराच्या राष्ट्रीय जनावरां रोग नियंत्रण कार्यावळी खाला ब्रुसेलोसीस लसीकरण कार्यावळीक 12 प्टेंबर सावन सुरवात केल्या आनी ही कार्यावळ 11 ऑक्टोबर मेरेन राज्यभर चलतली.
हेडगीं जनावरां सयत सगळ्यो गायो आनी म्हशीं, 4 ते 8 म्हयन्यां मदल्या पाडकुल्यांक लसीकरण करपाचो यत्न करतले. लसीकरणा उपरांत वेंचिक गांवांतल्यान सेरा नमुने एकठांय करून वासरांची रोगप्रतिकार शक्त स्थितीची तपासणी जातली. तशेंच लसीकरण केल्ल्या जनावरांक वळखपा खातीर तांच्या कानाक टॅग लायतले.
दुदाच्या उत्पादनाचेर वायट परिणाम करपी ब्रुसेला रोगाचें निर्मूलन करपा खातीर शेतकारांनी गायो आनी म्हशींच्या, वासरांचें लसीकरण करपा खातीर जनावरां सांबाळ आनी चिकित्सा सेवा खात्याच्या कर्मचार्यांक सहकार्य करचें, अशें खात्यान कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
