भांगरभूंय | प्रतिनिधी
काणकोण: खोला पंचायत वाठारांत वेपार करपाक इत्सूक आशिल्ल्या खंयच्याच बिगर गोंयकाराक वेपार परवानो दिवचे ना, असो थाराव ग्रामसभेंत मंजूर केला. सरपंच प्रज्ञा कामत हांणी ही म्हायती दिली. साळावलेच्यान खोला पंचायत वाठारांतल्या कांय वाठारांनी उदक येता तें चालूच दवरचें. तशेंच साळेलीच्या पुलाचें नुतनीकरण करचें असोय थाराव हे ग्रामसभेंत मंजूर केलो.
लोलयें पर्यावरण संवेदनशील घोशीत करचेंलोलयें-पोळे पंचायतीची ग्रामसभा आयतारा जाली. मनोज प्रभुगांवकार आनी प्रशांत पागी हांणी स थाराव मांडले. जाचेर ग्रामसभेच्या वांगड्यांनी सविस्तर चर्चा केली. चर्चा सीझेडएमपी २०१९चेर केंद्रीत आशिल्ली. जातूंत प्रशांत पागी हांणे नकसो तयार करतना जायत्यो चुको जाल्ल्याचें निदर्शनाक हाडून दिलें.
हे ग्रामसभेंत लोलयां गांवाक पर्यावरणाचे नदरेन संवेदनशील गांव म्हणून घोशीत करपाची मागणी केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
