भांगरभूंय | प्रतिनिधी
सीरियांत बंडखोरां कडल्यान सत्तापालट केल्ल्याची घोशणा
दमास्कस: अस्तंत आशियांतल्या सीरियांत अध्यक्ष बशर अल-असाद हांची 24 वर्सांची राजवट बंडखोरांनी उमथावन उडयली. हयात तहरीर अल-शाम ह्या बंडखोर संघटणेचो फुडारी मोहम्मद अल जोलानी हाणें राजधानी दमास्काचेर ताबो मेळयिल्ल्याचो दावो केलो. मजगतीं, सीरियाचे राष्ट्राध्यक्ष बशर अल असद पळून गेल्यात अशें रॉयटर्स हे खबरां स्थेन खबर दिल्या. असद देश सोडून वचत आशिल्ल्याची पुश्टी लश्करान केल्या आनी राष्ट्राध्यक्षांची सत्ता सोंपिल्ल्याचें सांगलां.
फाटल्या 11 दिसा सावन बंडखोर गट आनी लश्कर हांचे मदीं सीरियाचेर कब्जो मेळोवपा खातीर संघर्श सुरू आशिल्लो.
मजगतीं, आयतारा सकाळीं बंडखोरांनी राजधानी दमास्कासांत प्रवेश केलो. असद हांणी देश सोडले उपरांत सीरियाच्या प्रधानमंत्र्यांनी बंडखोरांच्या हातांत सत्ता सोंपोवपाचो प्रस्ताव दवरला. पीएम मोहम्मद गाझी अल जलाली हांणी एका रेकॉर्डिंगांत म्हणलां की ते देशांतच रावतले आनी सीरियांतले लोक जाका वेंचून काडटले तांचे बरोबर काम करतले.
सीएनएन च्या रिपोर्टा प्रमाण फाटल्या एका सप्तकांत बंडखोरांनी सीरियांतल्या चार मुखेल शारांचेर ताबो मेळयला. हातूंत अलेप्पो, हमा, होम्स आनी दारा हांचो आस्पाव आसा.
बंडखोर सैनिकांनी 6 डिसेंबर दिसा ताब्यांत घेतिल्ल्या दारा शारांतल्यान राजधानी दमास्कासांत प्रवेश केलो. दारा हे तेंच शार आसा थंय 2011 वर्सा राष्ट्राध्यक्ष बशर अल असद हांच्या विरोधांत बंडखारी सुरू जाली आनी देशभरांत झूज सुरू जालें. दारा ते राजधानीमस्कासचे अंतर सुमार 100 किमि आसा. थळाव्या बंडखोरांनी थंय ताबो मेळयला.
त्या वेळार अलेप्पो, हमा आनी होम्स इस्लामीक अतिरेकी गट आतां मेरेन 3.70 लाख लोक वेवस्थापीत जाल्यात. लोक असद सरकार पडिल्ल्याचो आनंद मनयतात. लश्कराच्या टँकराचेर चडून खोस मनयतनाचे व्हिडियो सोशल मिडियाचेर व्हायरल जायत आसात.
कांय बंडखोरांनी असद हांच्या बापायच्या पुतळ्याचेर चडून तोडफोड केली. आमी खूबशा दिसा सावन ह्या दिसाची वाट पळयताले. सीरियांत आयज नव्या युगाची सुरवात जायत आसा. इस्लामी हयात तहरीर अल-शाम (एचटीएस) ह्या बंडखोर गटाक तुर्स्कस्तानाचो तेंको आसा. दोन दिसां पयलीं पयलेच फावटी अलेप्पो शार ताब्यांत घेतिल्लें. उपरांत एक-एक करून शारां जिखून दमास्काक पावले. 50 वर्सांच्या अत्याचारा उपरांत बाथची राजवट सोंपली अशें बंडखोर गटान टेलिग्रामाचेर म्हणलां.
मजगतीं, अमेरिका सद्या सीरियांतल्या ह्या सगल्या घडोमाडीचेर लक्ष दवरून आसा. फाटल्या काळांत सीरियांत कितें जातलें? ताचें पडसाद अस्तंत आशियांत कशे उमठतले हें पळोवप म्हत्वाचें थारतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
