भांगरभूंय | प्रतिनिधी
फोंडें, प्रतिनिधी : पार- उसगांवां मंगळारा सकाळीं ८.३० वरांचेर स्कुटर आनी गाडयेचो अपघात जावन स्कुटर चालक करण (मूळ बिहार, सध्या फोंडें) हो जखमी जालो. फोंडें पुलिसांनी पंचनामो केलो.
मेळिल्ले म्हायती प्रमाण, जीए 05 बी 3445 क्रमांकाची गाडी खांडेपारच्या आदल्या पुला वयल्यान उसगांवां वताली. तेन्ना जीए 05 एन 5297 क्रमांकाची स्कुटर अचकीत अंडर पासा कडल्यान मुखेल रस्त्यार आयली. दोनूय वाहनां एकामेकांक आपटून हो अपघात जालो. जखमीक उपजिल्हो हॉस्पिटलांत दाखल केला. कांय म्हयन्यां पयलीं हेच सुवातेर स्कुटर आनी गाडये मदीं अपघात जावन एकटी बायल जखमी जाल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
