पर्यटन पुलिसांक लागून सांपडली बेपत्ता चली

बेपत्ता जाल्ले चली आनी ताच्या बापाय वांगडा पर्यटन पुलीस आनी दर्यादेग सुरक्षा रक्षक.

भांगरभूंय | प्रतिनिधी

भांगरभूंय | प्रतिनिधी
मडगांवः
नव्या वर्साक येवकार दिवपा खातीर गोंयचे दर्यादेग पर्यटकांनी भरिल्लें. 31 डिसेंबराचे रातीं कोलवा दर्यादेगेर गर्देत सानिल्लें एके ल्हान चलयेक पर्यटक पुलिसांनी सुरक्षा रक्षकांच्या आदारान सोदून तिच्या पालकांचे सुवाधीन केलें.
गोंयच्या दर्यादेगांचेर नव्या वर्साक येवकार दिवपाक आयिल्ल्या पर्यटकांची गर्दी जाता. पर्यटकांचे सुरक्षे खातीर पुलिसांनी दर्यादेग वाठारांनी वेवस्था केल्या. 31 डिसेंबराक कोलवा दर्यादेगेर आपल्या पालकां सयत आयिल्ली चली गर्देंत बेपत्ता जाली. पालकांनी तिका खूब सोदली. ते वटेन पर्यटक पुलिसांक ते चली एकलेच आसा म्हूण दिश्टी पडलें. तांणी दर्यादेग सुरक्षा रक्षकांच्या आदारान ते चलयेच्या पालकांक सोदून ताका तांचे सुवाधीन केलें.