दोळ्यांची जतनाय

भांगरभूंय | प्रतिनिधी

कुडीतल्या सगल्यां अवयवां मदलो दोळे हो एक म्हत्वाचो अवयव. संगणकाचो सतत वापर, वाचप वा टीव्ही पळोवप हाका लागून दोळ्यांचेर येवपी ताणां खातीर दोळ्यांक त्रास जातात.
दोळ्यांची जतनाय कशीं घेवची.

1. चड करून दोळ्यांचे जतनाय घेवपा खातीर वापरिल्ल्या उत्पादनांचोय दोळ्यांचेर दुश्परिणाम जातात. आयलायनर आनी काजळ वैयक्तीक दवरात. शक्य जाल्यार हेर लोकांचीं उत्पादनां वापरप टाळचें. भायर आसतना खास करून वतांत चलतना चश्मा वापरुन दोळ्यांची उश्णताये पसून राखण करची.
2. संगणकाचेर काम करतना, वाचतना, टीव्ही पळयतना दोळ्यांक वेळोवेळ आराम दिवप.
3. काळखांत काम करचें न्हय आनी चड करून वाचप, उण्या उजवाडांत कड्डणां काडप सारकिल्लीं कामां करचीं न्हय.
4. धूम्रपानाच्या धुंवराक लागून दोळ्यांकय त्रास जातात. दोळ्यांत कोयर गेल्यार दोळे घांसचे न्हय. अशें केल्यार दोळ्यांच्या वयल्या भागाक लुकसाण जावं येता. अशे स्थितींत दोळ्यांचेर उदक शिंपडचें.
5. संसर्ग हो दोळ्यांचो सगळ्यांत व्हडलो दुस्मान. हे खातीर दोळ्यांक हात लावचे पयलीं हात बरे धुवचे.
6. दोळ्यांची नेमान तपासणी करची.
7. अपघाताक लागून दोळ्यांकय लुकसाण जावंक शकता. काळो दोळो म्हळ्यार दोळ्यां भोंवतणी रगत एकठांय जावपासारको शारिरीक आघात जाल्यार कापूस वा मोव कपड्याचीं गुठली थंड करून ताचो दोळ्यांक दाब दिवचो. हाका लागून सुज उणी जावपाक मजत जाता. पूण दोळ्यांच्या रंगांत बदल जाल्यार रोखडेच दोतोरा कडेन वच्चें.
8. केमिकल्स दोळ्यांक हानीकारक थारूंक शकतात. दोळ्यांत केमिकल्स गेल्यार पयलीं नितळ उदकान दोळे धुवन दोळे ओल्या कपड्यान पुसुन घेवचे.
9. संगणकाचेर 2 वरां परस चड काम करपी लोकांनी दर 2 वरांनी उठून दोळ्यांचेर थंड उदक शिंपडून दोळ्यांक 10 मिनटां आराम दिवचो.