भांगरभूंय | प्रतिनिधी
नवी दिल्ली: देशांत सरासरी बायलां पगारदार कर्मचार्याचें उत्पन्न, सरासरी दादलो पगारदार कर्मचार्यां परस सुमार २५% उणें आसा. भारतांतूय पगारदारांचो वाटो वाडतूच आसा, मात आजूनय तो २३% च आसा.
देशांत नोकरदारांचें सरासरी मासीक उत्पन्न हेर काम करप्यांचे तुळेंत चड आसा.
२०२४त एका सरासरी पगारदार कर्मचार्याचें म्हयन्याचें उत्पन्न सुमार रु. २१ हजार आशिल्लें, जाल्यार स्वयंरोजगार करप्यांचें रु. १३,२०० आनी तात्पुरत्या वा रोजंदारीचेर काम करपी मजुरांचें रु. ९ हजार आशिल्लें.
खरें म्हळ्यार २०१२ ते २०२४ मजगतीं नोकरदारांचे सरासरी वेतन ९०% वाडलें, मात म्हारगाये वांगडा जोडल्यार वेतन ४% उणें जालां.
देश: भारतांत २३% लोक नोकरेंत, चीनांत ५४%
देश – वेतनधारक
अमेरिका – ९४%
जर्मनी – ९१%
जपान – ८९%
ब्रिटन – ८७%
आफ्रिका – ८३%
श्रीलंका – ५८%
चीन – ५४%
संवसार – ५२%
बांगलादेश – ४६%
भारत – २३%
भारतांत वेतनधारकांचो वांटा संवसारीक सरासरीच्या लागींलागीं अर्दो आसा. बांगलादेशा सारकिल्ल्या निम्न-मध्यम उत्पन्न आशिल्ल्या देशां पसून ते चीन सारकिल्ल्या उच्च-मध्यम उत्पन्न आशिल्ल्या देशांनी पगारदार कर्मचार्यांचो वांटो वाडतूच आसा.
राज्य: पंजाबांत सगल्यांत चड वेतनभोगी, बिहार फाटल्यान
राज्य – पगारदार
पंजाब – ५६%
गुजरात – ३१%
महाराष्ट्र – ३१%
हरियाणा – २६%
राजस्थान – १९%
झारखंड -१६%
छत्तीसगड – १४%
मध्य प्रदेश – १३%
बिहार – ९%
देशांत २३% लोक पगारदार आसात.
पंजाबांत पगारदार कर्मचार्यांचो वांटो देशाच्या सरासरी परस दुपेटीन चड आसा.
दक्षिणेकडल्या राज्यांनी तामिळनाडू (३४%) सगल्यांत बरे. उपरांत कर्नाटक (२६%), केरळ (२६%), तेलंगणा (२५%) आनी आंध्र प्रदेश (२२%) हांचो नंबर लागता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
