भांगरभूंय | प्रतिनिधी
बायलांक मासीक पाळी संबंदी जायत्या समस्यांक तोंड दिवचें पडटा. पाळीचो नेम चुकप, चड रक्तस्राव, चड काळ मासीक पाळी येवप अश्यो बायलां मदीं समस्या वाडतूच आसात. बायलांक मासीक पाळी चड करून तीन ते पांच दीस चलता. कांय बायलांक सात दीस. पूण चड काळ ती चल्ल्यार ही विचार करपा सारकी गजाल. दोन ते चार म्हयन्यांनी एक फावट अशें जावं येता, पूण दर म्हयन्याक ही समस्या आयल्यार आतांच दोतोराचो सल्लो घेवचो. खासा करून ह्या काळांत चड रगतस्त्राव जाल्यार हीं गंभीर दुयेंसाचीं लक्षणां आसूं येतात.
दोतोरांच्या म्हणण्या प्रमाण कांय बायलांची मासीक पाळी सात दीस चलूंक शकता. पूण हें एक चिंतेचें लक्षण आसूं येता. हाचे वयल्यान कुडींतल्याहार्मोनांचो समतोल योग्य ना अशें दिसून येता. जें फुडें जायत्या रोगांचें कारण जावपाक शकता. काळांत चड रगतस्राव जाता जाल्यार पयलीं तपासात. ताचेर उपचार करात. वखदां वापरून ह्या रोगाचेर सहज उपचार करूं येतात. रगतस्राव जावन लेगीत चड काळ रावप हें ह्या तीन दुयेंसांचें लक्षण आसूं येता.
फायब्रॉयड
सात दिसां परस चड काळ मासीक पाळी चल्ल्यार फायब्रॉयडचीं (गुठले) लक्षण जावं येता. गर्भाशयांत फायब्रॉयड तयार जावप फुडें गंभीर समस्या जावंक शकता. हाका लागून कॅन्सराचोय धोको वाडटा.
थायरॉयड
बायलांक थायरॉयड दुयेंसाक लागून मासीक पाळी चड काळ तिगूंक शकता. ही समस्या उरल्यार थायरॉयड तपासात.
गर्भाशयाच्या कॅन्सराचो धोको
फायब्रॉयड्साक लागून गर्भाशयाचो कॅन्सर जावपाची शक्यताय आसा. ताका लागून पोटाच्या सकयल्या भागांत दुखता. बायलांक मासीक पाळी चड काळ तिगूंक शकता. ही समस्या ४५ पिराये वयर आशिल्ल्या बायलां मदीं चड दिसता.
ह्यो गजाली लक्षांत दवरच्यो
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
