भांगरभूंय | प्रतिनिधी
लिंक्डइनान 2024 वर्साची बेस्ट 25 कंपनींची वळेंरी केली जाहीर
नवी दिल्ली, खबरां संस्था ः प्रोफेशनल नेटवर्किंग प्लॅटफॉर्म लिंक्डइनान भारतांतल्या 25 बेस्ट वर्कप्लेसांची वळेरी जाहीर केल्या. अंदूंय टाटा कन्सल्टन्सी सर्विसेस (TCS) पयल्या क्रमांकाचेर आसा. फाटल्या वर्साय भारतांत काम करपाक मेळपी सगळ्यांत बऱ्या कंपनींच्या वळेरेंत टीसीएस पयल्या क्रमांकाचेर आशिल्ली. त्याच वेळार पयल्या 25 कंपनींच्या वळेरेंत एक्सेंचर दुसरे सुवातेर, कॉग्निझंट तिसरे सुवातेर, मॅक्वेरी ग्रुप चवथ्या आनी मॉर्गन स्टॅनली पांचवे सुवातेर आसा. लिंक्डइनान सांगलें की ही आमची 8 वी वर्सुकी टॉप 25 कंपनींची वळेरी जावन आसा.
लिंक्डइनाच्या टॉप 25 बेस्ट वर्कप्लेस कंपनींच्या वळेरेंतलीं पयली 3 कंपनीं आयटी क्षेत्रांतलीं आसात. जाल्यार तिसरी आनी चवथी कंपनी अर्थीक क्षेत्रा कडेन संबंदीत आसात.
तशेंच लिंक्डइनान मिडसाइज कंपनीं खातीर टॉप 15 बेस्ट वर्कप्लेसांची अंदूची वळेरी जाहीर केल्या. हे वळेरेंत भारतांत उण्यांत उणे 250 कर्मचारी आनी संवसारीक पांवड्यार उण्यांत उणे 5 हजार कर्मचारी आशिल्ल्या कंपनींचो आस्पाव आसा.
लिंक्डइनान पुण्यांतली कंपनी लेंट्रा हे वळेरेंत पयल्या क्रमांकाचेर दवरल्या. उपरांत मेक माय ट्रिप दुसरे सुवातेर, रेडिंगटन लिमिटेड तिसऱ्या सुवातेर, इन्फो एज चवथ्या आनी डिजिट इन्शुरन्स पांचव्या सुवातेर आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
