भांगरभूंय | प्रतिनिधी
काणकोण: चावडेच्या बँक ऑफ इंडिया लागसार मंगळारा सांजेवेळार सुमार ६.३० क माड कोसळ्ळो. रस्त्या मदींच तो पडिल्ल्यान राष्ट्रीय महामार्ग बंद आशिलो. लायटीच्यो सरयोय तुटल्यो. महामार्ग बंद जाल्ल्यान नगरसेवक धीरज नायक गांवकार हांणी उजो पालोवपी दळाक संपर्क केलो. मात उजो पालोवपी दळाचें केंद्र चावडी बाजारा सावन सुमार ८ किलो मिटर पयस रानांत चापोले आशिल्ल्यान थंयच्यान तांकां चावडी पावपाक उशीर जालो. तो मेरेन हांगा येरादारी कोयंडी जाली. वीज कार्यालयान लायट बंद उडयिल्ल्याची म्हायती मेळटांच थळाव्या नागरिकांनी माडाच्या चुडटांक धरून रस्त्यार पडिल्लो माड कुशीक केलो आनी येरादारीक रस्तो उक्तो करून दिलो.
उपरांत उजो पालोवपी दळाच्या जवानांनी येवन माड कापून काडलो. माड कोसळिल्लो तेन्ना हांगा कोण नाशिल्ल्यान कोणाक कांय जावंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
