भांगरभूंय | प्रतिनिधी
पर्वरे एलएलपी कंपनीच्या संचालकां आड गुन्यांव
पणजी: गोंयांत जमीन हडप फटवणूक, नोकरी दिवपाचें हांयस दाखोवन फटोवप, चड कळंतराचें (व्याज) हांयस दाखोवन फटोवप हीं प्रकरणां गाजत आसतनाच आतां नवें फवटणुकीचें प्रकरण मुखार आयलां. कागाळदाराचें पोरणें घर दुरुस्ती करपाच्या निमतान 11 लाख रुपयांच्या फटवणुकीचो प्रकार मुखार आयला. ह्या प्रकरणांत पर्वरी पुलिसांनी मार्टिन्स ग्रूप एलएलपी कंपनीचे संचालक देविका मार्टिन्स, रेनी मार्टिन्स आनी नेस्टर फर्नांडीस हांचे आड गुन्याव दाखल करून तपास सुरू केला.
पर्वरी पुलिसांनी दिल्ले म्हायती प्रमाण ह्या प्रकरणांत समीर दिलीप भोसले हांणी कागाळ दाखल केल्या. ते प्रमाण कागाळदाराचें पिळर्ण बार्देसांत पोरणें घर आसा. त्या पोरण्या घराचो जिर्णोद्धार आनी दुरुस्ती करपाचें काम मार्टिन्स ग्रूप एलएलपी कंपनीच्या संचालकांनी आस्वान दिल्लें. ते खातीर थारिल्ले प्रमाण कागाळदारान 1 जानेवारी 2024 दिसा कंपनीच्या एसडीएफसी बँक खात्यांत 11 लाख रुपया आगावू रक्कम जमा केल्ली. अशें आसतना कंपनीन 8 डिसेंबर मेरेन आगावू रक्कम परत केली ना. तशेंच दुरुस्तीचें काम हातांत घेतलें ना. ताका लागून कागाळदाराची फटवणूक केल्ल्याचें कागाळींत नमूद केलां.
हाची दखल घेवन पर्वरी पुलिसांनी मार्टिन्स ग्रूप एलएलपी कंपनीचे संचालक देविका मार्टिन्स, रेनी मार्टिन्स आनी नेस्टर फर्नांडीस हांचे आड भारतीय दंड संहितेच्या कलम 420 खाला गुन्यांव दाखल केला. ह्या प्रकरणांत पुलीस निरिक्षक राहूल परब हांच्या मार्गदर्शना खाला उपनिरिक्षक प्रज्योती देसाय फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
