भांगरभूंय | प्रतिनिधी
पणजी, प्रतिनिधी: राज्य सरकारान रस्तो अपघातांत मरण आयिल्ल्यांच्या कुटुंबाक 54 लाख 50 हजार रुपया मंजूर केल्यात. ते प्रमाण वट्ट 28 जाणांक मजत निधी दिला. येरादारी खात्यान बिरेस्तारा हे विशीं आदेश काडलो. हांतल्या 27 जाणांक दरेकी २2 लाख जाल्यार एका व्यक्तीक 50 हजार रुपया दितले.
ते प्रमाण विवेश शिरोडकार, पावलीना फर्नांडीस, रेश्मा गावडे, मुहंमद ओंती, लता कुर्टीकार, प्रभावती गावडे, दिपक रावत, लक्ष्मण भावे, राजेंद्र चारी, माधुरी परब, नयन गावडे, इथेन डिकॉस्टा, अंकूश गांवस, सुगंधा नुनेकार, महादेव नायक, कृतिका पार्सेकार, कोन्सिसांव वाझ, दिलीप नायक, क्रिस्टीना फर्नांडीस, राजेंद्र नायक, अंकुश मळीक, कृष्णा नायक, प्रकाश नायक, उर्मिला साळगांवकार, संदीप मळीक आनी लीना गावणेकार हांका दरेकी २ लाख रुपया तशेंच शेख हुसेन हांकां ५० हजार रुपया दिले.
फाटल्या कांय वर्सां सावन रस्तो अपघातांत मरण आयिल्ल्यांचो आंकडो वाडतूच आसा. दर वर्सा रस्तो अपघातांत सुमार २५० ते ३०० लोकांक मरण येता. ह्या व्यक्तींच्या कुटुंबीयांक मजत म्हणून २०१५ वर्सा येवजण सुरू केल्ली. उपरांत २०२० त तातूंत बदल घडले. ते प्रमाण अपघातांत मरण आयिल्ल्या कुटुंबियांक २ लाख रुपया, कायमचें अपंगत्व आयिल्ल्यांक १.५० लाख रुपया जाल्यार गंभीर जखमी जाल्ल्यांक १ लाख रुपया दितात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
