भांगरभूंय | प्रतिनिधी
व्हॉट्सअॅपान एंड्रॉयड वापरप्यां खातीर नवें खाशेलपण हाडलां. हें नवें खाशेलपण वापरप्यांक जाय त्या तारखे प्रमाण चॅट्स सोदपाक परवानगी दिता. हें खाशेलपण आयओएस [iOS], मॅक डेस्कटॉप आनी व्हॉट्सअॅप वेब ह्या सारक्या सुवातेर उपलब्ध आसा, पूण आतां हें खाशेलपण एंड्रॉयड वापरप्यांकय वापरूं येता. फेसबूकाचे सीईओ मार्क झुकरबर्ग हांणी ही म्हायती आपल्या व्हॉट्सअॅप चॅनलाचेर दिल्या. हें खाशेलपण वापरून मार्क झुकर बर्ग हांणी आपली एक पोरणी चॅट सोदून काडल्याचो व्हिडियो शेअर केलो. तुमकां एका खाशेल्या तारखेचे चॅट सोदपाचे आसल्यार, आतां पोरन्या चॅट वरवीं स्क्रोल करची गरज ना.
तारखे प्रमाण चॅट सोदपाचे खाशेलपण Android त कशें वापरपाचे?
० पयलीं फोनांत व्हॉट्सअॅप उगडात.
० जाचीं पोरणीं चॅट सोदपाक जाय त्या ग्रुप वा वैयक्तीक चॅटांत वचात.
० चॅटांत वचून चॅट डिटेल्स पर्याय सोदून काडात. चड करून हो पर्याय उजव्या कोनशांत आसता जंय तीन डॉट वा ओळी आसतात. आतां तातूंतल्या मेनू ऑप्शनाचेर क्लिक करात.
० चॅट डिटेल्सांत दिसपी जायत्या पर्यायां मदीं, स्क्रीनाचेर सोद पर्याय सोदून काडात आनी ताचेर क्लिक करात.
० उपरांत तुमकां स्क्रीनाचेर कॅलेंडर आयकॉन दिसतलो, ताचेर क्लिक करुन ताका ॲक्सेस दियात.
० आतां तुमकां स्क्रिनाचेर कॅलेंडर दिसतलो, तुमकां जाय आशिल्लो म्हयनो वा तारीख पळोवपाक स्क्रोल करपाक मेळटलें.
० आतां तुमकां जाय आशिल्ली तारीख निवडात.
० तुमी तारीख निवडल्या उपरांत त्या दिसाच्यो चॅट स्क्रीनाचेर दिसतल्यो.
० उपरांत मुखार आयल्ल्या चॅट वयल्यान तुमकां जाय ती म्हायती मेळोवची.
सप्तका आदीं व्हॉट्सअॅपान टेक्स्ट फॉरमॅटिंग खाशेलपण जाहीर केल्लें. ह्या खाशेलपणांत बुलेट लिस्ट, नंबर लिस्ट, ब्लॉक कोट्स आनी इनलायन कोड आसपावीत आसात अशें कंपनीन सांगलें. हीं खाशेलपणां iOS, Android, Web आनी Mac खातीर उपलब्ध आसात. तशेंच हें खाशेलपण ग्रुप चॅट, वैयक्तीक गप्पा तशेंच चॅनल ब्रॉडकास्टिंगांतय वापरूं येता.
हें खाशेलपण कशें वापरप…
० बुलेट लिस्ट तयार करपाक : – हें चिन्न आनी उपरांत स्पेस दिवची. (देखीक – स्पेस)
० नंबर लिस्ट तयार करपाक : क्रमांक बरोवचो आनी ताचे मुखार डॉट दिवन स्पेस दिवची. (देखीक 1. स्पेस )
० ब्लॉक कोट बरोवपाक : बरयल्लो मजकूर हायलाइट करपाक > ह्या चिन्नाचो वापर करुन उपरांत स्पेस दिवची. (देखीक > स्पेस)
० इनलायन कोड बरोवपाक : मजकूराचे सुरवेक आनी निमाणें ` ह्या चिन्नाचो वापर करात. (देखीक ` Hello`)
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
