भांगरभूंय | प्रतिनिधी
भांगरभूंय । प्रतिनिधी
वास्कोः मुरगांव पालिका मंडळाच्या सोमाराक (27 जून) जावपी वेंचणुके खातीर भाजपा समर्थक गटा वतीन प्रभाग 25चो नगरसेवक लिओ रॉड्रिग्ज हांका उमेदवारी दिल्या. नवो नगराध्यक्ष वेंचून काडपा खातीर सोमाराक पालिका मंडळाची खाशेली बसका जातली. निर्वाचन अधिकारी म्हणून मुरगांवचो उपजिल्होधिकारी रवीशंकर निपाणीकर काम पळयतले.
दामोदर कासकार हांणी फाटल्या 13 जूनाक नगराध्यक्षपदाची राजिमानो दिल्ल्यान हें पद रिकामें जालां. लिओ रॉड्रि्ज नगराध्यक्ष वेंचणुके खातीर आपलो उमेदवारी अर्ज मुख्याधिकारी जयंत तारी हांका सादर केला. पालिका मंडळाचे 26 नगरसेवक आसात. तातूंत भाजपा समर्थक सत्ताधारी गटाचे 16 जाल्यार विरोध गटाचे 9 वांगडी आसात. ताका लागून रॉड्रिग्ज हाचें जैत प्क्कें आसा. ताका मंत्री माविग गुदिन्हो आनी आमदार कृष्णा साळकार, आदलो मंत्री मिलिंद नायक हांचो तेंको आसा. रॉ़ड्रिग्ज हांचे पयलीं प्रभाग 9तल्या नगरसेवक म्हणून वेंचून आशिल्ले. फाटले पालिका वेंचणुकेंत ते दाबोळी मतदारसंघात आशिल्ल्या प्रभाग 25तल्यान वेंचून आयिल्ले.
मुरगांव पालिकेंतल्या विरोधी गटाल्या 9 नगरसेवकांतले सात जाण आदलो आमदार कार्लुस आर्मेदा हांचे समर्थक आसात. दोन जाण आमदार संकल्प आमोणकाराचे समर्थक आसात. नगराध्यक्षपद मेळपाची शक्यताय ऩाशिल्ल्यान ते रॉड्रिग्ज हाका तेंको दितात काय विरोध करतात तें समोमार दिसून येतलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
