भांगरभूंय | प्रतिनिधी
भांगरभूंय । खबरां मेज
पणजीः दाल्गादो कोंकणी अकादमीन (डीकेए) तांच्या 2022 वर्सांच्या फादर कॉसेसांव डिसिल्वा रोमन कोंकणी लेखन सर्तींत वांटेकार जावपाचें आवाहन साहित्यिकांक केलां. फादर कॉसेसांव हे दाल्गाद कोंकणी अकादमीचे उपाध्यक्ष आशिल्ले. पोरूं तांकां मरण आयलें. तांचे यादी खातीर लेखन सर्तीक तांचें नांव दिलां.
कविता, लघुकथा, निंबध, एकांकी आनी कांतरा हातूंतल्या आपल्याक जाय त्या लेखन प्रकारांत वांटो घेवपाची लेखकांक मेकळीक आसा. आपल्याक जाय त्या विशयाचेर लेखन करपाक जाता. नाताळ सणा निमतान कविता वा कांतार लेखन करतल्यांनी कोंकणींत नवी कॅरोल रचणूक करची अशी अपेक्षा आसा.
सर्ती खातीर आपलें साहित्य सादर करपाची निमणी तारीख 19 नोव्हेंबर ही आसा. आपलें साहित्य सोफ्ट कॉपीचेर [email protected]. हे बेवसायटीचेर धाडचें. हार्ड कॉपी स्विकारचे नात अशें डीकेएन कळीत केलां. प्रवेशिका 9822587498 (व्हिन्सी काद्रुस) ह्या व्हॉट्सएपाचेर सादर करपाक जातात. लेखन परिक्षणा खातीर परिक्षक मंडळ नेमलते. चडावत म्हायती खातीर दाल्गादो कोंकणी अकादमीच्या ऑफिसा कडेन (0832 2221688) संपर्क सादचो अशें कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
