भांगरभूंय | प्रतिनिधी
म्हाका दिसता
–
दिवाळेक उत्सवांचो राजा अशें म्हण्टात. दिवाळी म्हणजे उजवाडाचो उत्सव. आकाश दिवे, पणट्यो, नवी खरेदी, नवे कपडे, मिठाय, रांगोळी, कुटुंबांक मेळप आनी सगळ्यांत म्हत्वाचें म्हणजे माराण पेटोवप. दिवाळे इतलो रोमांचक हेर खंयचोच उत्सव ना. दिवाळेंत व्हड लोकांक आनी भुरग्यांक उमेद येता. माराणे आनी दिवाळी हे समीकरण जालां. पूण माराणाचे वायट परिणाम लक्षांत घेवन सरकारान माराण पेटोवपाक काय बंधनां घाल्यांत ताचें पालन करून माराण पेटोवचें अशें आवाहन सरकारांनी केलां. दिल्ली सारक्या काय राज्यांनी तर माराणाचेर बंदीच घाल्या.
फाटल्या कांय वर्सां सावन जायत्यो समाजीक आनी धर्मदायी संस्था फोगमुक्त दिवाळेची संकल्पना मांडटात. कांय जाण ताका प्रतिसाद दितात. पूण तांचें प्रमाण खूप उणें आसा. दिवाळेच्या वेळार खूब माराण फुटतात, देखून प्रदुशण वाडटा. ताचो परिणाम फकत मनशाचेर न्हय तर सगळ्या जिवांच्या भलायकेचेर जाता. तांबें, कॅडमियम, शिंशें, लेड, गंधक, सल्फ, मॅग्नेशियम, सोडियम, झिंक, नायट्रेट आदीं पसून माराण तयार करतात. हें रसायन मनशाचे भलायकेक धोक्याचें आसता. माराणाच्या तांब्याक लागून स्वास मार्ग लासता, जाका लागून दम्याचो धोको वाडटा. तशेंच काळजाचे विकार आनी पुलमावाचीं दुयेंसां जावपाची शक्यताय वाडटा. कॅन्डीनियम मूत्रपिंडांक लुकसाण करता. सल्फर वनस्पतींक हानीकारक आसता. झाडांच्या फळांचेर सल्फराचो वायट परिणाम जाता, ताका लागून फळां खावपी लोकांकय विखार जावंक शकता. माराणाक लागून आवाजाचें प्रदुशण जाता. आवाज प्रदुशणाक लागून भुरग्यांक, ज्येश्ठ नागरिकांक तशेंच दुयेंतींक खूब त्रास जातात.
चार ते पांच दीस कानांत बसपी आवाजाक लागून कायम भेड्डेंपण येवपाक शकता. हाचे भायर माराणाच्या धुंवराक लागून वायु प्रदुशण जाता. इतलेंच न्हय तर माराण फोडटना अपघात जातात. माराण फोडटना ल्हान भुरगीं लासपाच्यो जायत्यो घडणुको घडल्यात. देशभरांत माराणाच्या दुकानांकूय उजो लागला. तातूंत जायत्या लोकांचो जीव गेला. अर्थीक लुकसाण जाता तें वेगळें. हें सगळें टाळपाक माराण मुक्त दिवाळी मनोवपाचो संकल्प करुया.
– श्याम ठाणेदार
9922546295
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
