भांगरभूंय | प्रतिनिधी
पर्यें-सत्तरीच्या श्री भूमिका शिक्षण संस्थेच्या श्री भूमिका उच्च माध्यमीक विद्यालयान 17 वर्सां पिराये सकयल्या दादल्यांच्या गटांतलें सत्तरी तालुको पांवड्या वयले सुब्रोतो फुटबॉल सर्तीचें वस्तादपण जोडलें.
कोपार्डेच्या खेळां मैदानाचेर श्री भूमिका उच्च माध्यमीक विद्यालय आनी सरकारी उच्च माध्यमीक विद्यालय, वाळपय हांचे मदीं फायनल जाली. श्री भूमिका उच्च माध्यमीक विद्यालयान 3-0 फरकान जैत जोडलें.
फटी राणेन 30 मिटर अंतरा वयल्यान फ्री कीक वरवीं थेट गोलपोस्टांत बॉल घालो. काव्य काटकारान दोन गोल करून आपल्या पंगडाक सोंपें जैत मेळोवन दिलें.
अब्दुल खान, सुशांत राणे, फटी राणे, सीताराम पिरणकार, आशिष गांवकार, तुषार गोसावी, नितिकेश गांवस, प्रणय चोर्लेकार, किरण गुरव, हर्षवर्धन मिराशी, निमेश म्हापशेंकार हांणी श्री भूमिका पंगडाचें प्रतिनिधित्व केलें. तांकां शारिरीक शिक्षक अमोल वझेचें मार्गदर्शन लाबिल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
