भांगरभूंय | प्रतिनिधी
म्हापशें: पर्वरी पुलिसांनी आल्तो पिळर्ण हांगा दुबावीत मुकेश कुमार (30) आनी राजा बाबू (20) ह्या दोगां बिहारांतल्या तरणाट्यांक अटक केली. दोगांय दुबावितां कडल्यान अडेज लाखाचो 1 कील 200 ग्राम गांजो जप्त केलो.
ही कारवाय काल (सोमारा) दनपारां तीन वरांच्या सुमाराक केली. गोवेकरनगर आल्तो पिळर्ण हांगा मीड टावन गेस्ट हावजा कुशीक घुंवळे वखदांचो वेव्हार जावपाचो आशिल्ल्याची म्हायती खात्रेच्या गोपां कडल्यान पुलिसांक मेळिल्ली.
ते प्रमाण पुलिासंनी सांपळो रचलो. दुबावीत आरोपी घुंवळे वखदांची पुरवण करपा खातर येतकूच पुलिसांनी तांकां धरले आनी तांची झडटी घेतली तेन्ना 1 कील 200 ग्राम गांजो सांपडलो.
उपरांत दुबावितां आड घुंवळे वखदां प्रतिबंधक कायद्या प्रमाण गुन्यांव नांद करून तांकां अटक केली. पुलीस निरिक्षक अनंत गांवकार हांच्या मार्गदर्शना खाला उपनिरिक्षक सीताराम मळीक हांच्या फुडारपणा खालच्या पंगडान ही कारवाय केली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
