भांगरभूंय | प्रतिनिधी
भांगरभूंय । खबरां मेज
पणजी : पॅन इंडिया विद्यार्थ्यांक नीट 2022 (NEET) क्रॅक करपा खातीर तांचे तयारीच्या पातळेचें मुल्यांकन करपाची बरी संद मेळ्ळ्या. नारायण ग्रुपाच्या प्रशिक्षण केंद्रांनी प्रस्नपत्रिकांचे (आॅनलायन) नवे पद्दती प्रमाण सगळ्यां खातीर 2 ग्रँड चांचण्यो दिवप सुरू जालां.
हे संबंदी उलयतना अनुज कुमार सिंग (नारायण गोवाचे संचालक) हांणी ह्या चांचण्यांच्या आगळेंपणा विशी म्हायती दिली. नारायण संस्थेच्या आर अँड डी पंगडाचे जाणकार हे पेपर संच तयार करतात. तांचो दर्जो अंतिम नीट परिक्षेच्या मानकां प्रमाण आसा. विद्यार्थ्यांनी https://www. narayanacoachingcenters.in/neet- meter ह्या संकेतथळार स्वता नोंदणी करूं येता, अशें तांणी सांगलें..
“विद्यार्थ्यांक तांच्या निमाण्या खिणाक तयारीचें मुल्यांकन करपाची आनी जाणून घेवपाची अद्भुत संद मेळूं येता, तशेंच अखिल भारतीय पांवड्यार तांच्या गुणांचे संभाव्य निर्देशांक जाणून घेवं येता” अशें तांणी सांगलें. ह्यो चांचण्यो करतना तपशीलवार जापो मेळटात, व्हिडियो वरवीं पेपरांचेर चर्चा, उपाय आनी वैयक्तीक कामगिरीचें खोलायेन विश्लेशण करपाक मेळटा.विद्यार्थ्याची आत्मविस्वास पातळी सुनिश्चीत करप आनी ताका तयार करप हो ह्या NEET METER चो हेत.
ग्रँड टेस्ट (चांचणी) 1 – 7 जुलय दिसा; परिक्षा वेळ – दनपरां 2 ते 5:20
नोंदणेची निमाणी तारीख – 06 जुलय 2022
भव्य चांचणी 2 – 12 जुलयाक; परिक्षा वेळ – दनपरां 2 ते 5:20
नोंदणेची निमाणी तारीख – 11 जुलय
प्रस्नपत्रिका सविस्तर चर्चा एन-लर्न प्लॅटफॉर्माचेर व्हिडियो वरवीं उपलब्ध आसतली. तशेंच युट्युब चॅनलाची लिंक्स नीट मिटरा खातीर नोंदणी करपी विद्यार्थ्यांक दितले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
