भांगरभूंय | प्रतिनिधी
दिवचलः रॉटरी क्लब दिवचल, विद्यावर्धक मंडळ आनी श्री शांतादुर्गा उच्च माध्यमीक विद्यालय दिवचलचो एनएसएस गट हांच्या जोडपालवान समाजीक जागृताय आनी समाजीक जापसालदारकी ह्या विशयाचेर विद्यार्थ्यां खातीर खाशेले कार्यावळीचें आयोजन केल्लें. ही कार्यावळ 16 ऑगस्टाक जाली.
ह्या वेळार जीवन आनंद संस्थेचे संस्थापक संदीप परब, विद्यावर्धक मंडळाचे अध्यक्ष विजय सरदेसाय, रॉटरी क्लब दिवचलचे अध्यक्ष दुर्गेश कारापुरकार, सचीव विराज शिरोडकार, भांडारी दामोदर प्रभू, श्री शांतादुर्गा उच्च माध्यमीक विद्यालयाचे वेवस्थापक अरूण साळकार, रॉटरी क्लबाचे मुखेल समन्वयक उदय सरदेसाय, एनएसएसची मुखेल अधिकारी शुभांगी आमोणकार तशेंच वांगडी दिप्ती सावंत, गायत्री नायक, कात्यायणी घाटवळ, सर्वेश केरकार आनी प्रणीता शिरगांवकार हाजीर आशिल्लीं.
शुभांगी आमोणकार हांणी येवकार दिलो. उदय सरदेसाय हांणी मानेस्तांची वळख करून दिली. दुर्गेश कारापुरकार हांणी क्लबाचे कार्यावळीं विशीं म्हायती दिली.
मुखेल उलोवपी समाजसेवक संदीप परब हांणी विद्यार्थ्यांक समाजीक जापसालदारकी ह्या विशयाचेर मार्गदर्शन केलें. आमी एक व्यक्ती म्हूण गरजेवंतांक कशी मजत करपाक शकता हे विशीं म्हायती दिली. शिक्षिका कात्यायणी घाटवळ हांणी सुत्रसंचालन केलें जाल्यार शिक्षिका प्रणीता शिरगांवकार हांणी उपकार मानले. पुराय कार्यावळीचें संयोजन शिक्षिका गायत्री नायक हांणी केल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
