भांगरभूंय | प्रतिनिधी
भांगरभूंय प्रतिनिधी
म्हापशेंः पुलीस आशिल्ल्याचें सांगून लोकांक लुबाडपी चोर परत सक्रिया जावपाक लागल्यात. बोडगिणी- म्हापशें हांगा अशेंच दोग जाणांनी एका 66 वर्सां पिरायेच्या दुचाकी चलयतल्या जाण्ट्याचे दागिने लुबाडले. मंगळाराक सांजे 7च्या सुमाराक हो प्रकार जालो.
सायमन डिक्रूज (मझलवाडो- रेवोडा) हो आपले दुचाकीन रेवाड्या सावन पर्रा चर्चींत वतालो. म्हापशें हांगा गांधी सकर्ला कडेन ताका मोटरसायकलीन आयिल्ले दोग जाण मेळ्ळे. ते हिंदीत उलयताले. डिक्रुज हाचे कडेन उलयत तांणी म्हापशें- पर्रा रस्त्याचेर बोडगिणी हांगा नर्सरी कडेन ताका थांबपाक सांगले आमी पुलीस अधिकारी आसात. सध्या चोरयांचें प्रमाण वाडला. ताला लागून आंगार दागिने घालून खंय वचप धोक्याचें आसा अशें सांगून तांणी डिक्रुजाक दागिने काडपाक सांगलें आनी एक सरपळी, बोटांतल्यो भांगराच्या दोन आनी चांदीक एक मुदी कागदांत गुठलावन घेनव ते पळून गेले.
डिक्रुजा तांचो फाटलाव केलो पूण ते हाताक लागले नात उपरां ताणे म्हापशें पुलीस स्टेशनांत वचून कागाळ केली. पुलिसांनी अनवळखी बोगस पुलीस अधिकाऱ्यां आड गुन्यांव नोंद केला. निरीक्षक परेश नायक हांच्या मार्गदर्शना खाला उपनिरीक्षक विभा वळवयकार तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
