भांगरभूंय | प्रतिनिधी
वाळपय: शाळा हें ज्ञानाचें मंदीर, विद्येचें मंदीर म्हणून नवरात्रांनी देड दिसाचें विद्यादेवी श्री सरस्वती मातेचें पूजन डॉक्टर केशव बळीराम हेडगेवार शाळेंत केलें. गांधी जयंती दिसा देवीचे मुर्तीचें आवाहन केले, 3 ऑक्टोबराक देवीचें पूजन केलेें. सरस्वती पुजना निमतान भुरग्यां खातीर तशेंच शाळेच्या पालकां खातीर उपक्रम आनी सर्ती आयोजीत केल्ल्यो. मुळाव्या विभागाच्या विद्यार्थ्यां खातीर विवीध वेवसाय दाखोवपी भेसवण सर्त आयोजीत केल्ली.
तशेंच माध्यमीक विभागाच्या भुरग्यां खातीर महालक्ष्मी अष्टक स्तोत्रपठण सर्त आयोजीत केल्ली. शाळेंतल्या महिला पालक वर्गा खातीर फुलांचे हार गुंथपाची सर्त तशेंच फुलां पसून रांगोळी सर्त आयोजीत केल्ली. जातूंत पालकांनी बरो प्रतिसाद दिलो.
भुरग्यांनी घुमट-आरती, फुगडी अशे विवीध परंपरीक कलाप्रकार देवी फुडल्यान सादर केले. देवीची पुजा विद्यार्थ्यां कडल्यान करून घेतली. 4 ऑक्टोबराक दिंडीच्या गजरांत सरस्वती मातेचें विसर्जन केलें. उत्सवांत शाळेच्या सगळ्या पालकांनी, विद्यार्थ्यांनी, शिक्षकांनी, कर्मचारीवर्ग तशेंच वेवस्थापन समितीच्या वांगड्यांनी व्हडा उमेदीन सहकार्य केलें आनी कार्यावळ येसस्वी करून दाखयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
