भांगरभूंय | प्रतिनिधी
भांगरभूंय । पत्रक
पणजीः जमान ई इस्लामी हिंदच्या गोंय विभागा वतीन तांच्या बिलवान पेडे- म्हापशें हांगच्या इस्लामीक सेंटरांत संवसारीक पर्यावरण दीस व्हडा उमेदीन मनयलो. जमात ई इस्लामी हिंदचो राष्ट्रीय अध्यक्ष सय्यद सदातुल्ला हुसेनी हांणी ह्या वेळार रोपे लायले.
सध्या प्रदूशण वाडला. हवामानांत बदल जायत आसा, अशा वेळार दरेकल्यान पर्यावरणाचें संवर्धन करपाक फुडाकार घेवपाक जाय. आमच्यान जाता तशी पृथ्वीची जतनाय घेवपाचो संदेश प्रेशित मोहम्मदान दिला अशें तांणी सांगलें. अल्लान आमकां पृथ्वीचेर विश्वस्त म्हणून धाडल्यात आनी आमी तिची राखण करपाक जाय अशेंय तांणी सांगलें.
रोपे लायतना हिंदाचो सरचिटणीस टी अरिफ अली, गोंय विभाग मुखेली अब्दुल वहिद खान आनी सचीन अब्दुल वहान हाजीर आशिल्लो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
