भांगरभूंय | प्रतिनिधी
भांगरभूंय । प्रतिनिधी
काणकोणः आपले घककान्नीचो खून करपाचो यत्न करपी साजीद खान हाका काणकोण पुलिसांनी सोमाराक अटक केली. पुलिसांनी दिल्ले म्हायती प्रमाण खान हाणे आपली घरकान्न रिमा चौधरीचेर चाकून हल्लो केलो. सद्या तिचेर बांबोळे जीएमसींत उपचार चल्ल्यात.
उत्तर प्रदेशांतलो खान आनी रिमा चौधरीचे लग्न जावन स वर्सां जाल्यांत आनी तांका 4 वर्सां पिरायेचो एक चलो आसा. मोखर्ड- काणकोण हांगा भाड्याचे कुडींत हे जोडपें रावता. कसल्या तरी दुबावान खानान बायलेचेर हल्लो केलो. ताका काणकोणच्या पयलो वर्ग न्यायालयान 8 दिसांची पुलीस कादय दिल्या. पुलीस उपनिरीक्षक रामचंद्र नायक निरीक्षक प्रवीण गांवस हांच्या मार्गदर्शना खाला तपास करता.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
