भांगरभूंय | प्रतिनिधी
गृह खात्या कडल्यान आदेश जारी
पणजी : राष्ट्रपिता महात्मा गांधी हांचे जयंती निमतान राज्यांतल्याे सगल्याे कॅसिनो 24 वरां बंद दवरपाचो आदेश गृह खात्यान जारी केला. 2 ऑक्टोबराच्या (शेनवार) मध्यान रातीं 12 वरां पसून आयतार मध्यान रातीं मेरेन कॅसिनोंचे सगले वेव्हार बंद उरतले, अशें गृह खात्यान जारी केल्ल्या आदेशांत नमूद केलां.
महात्मा गांधी जयंती निमतान दर वर्सा देशभरांत 2 ऑक्टोबर ‘ड्राय डे’ म्हूण मनयतात. ह्या दिसा सगलीच बार्रां बंद दवरतात. ते खातीर गोंय सरकारानूय ह्या दिसा 24 वरां खातीर कॅसिनाेंचे सगले वेव्हार बंद दवरपाचो आदेश जारी केला.
दरवर्सा प्रमाण अंदूंय सरकारान म. गांधी जयंती निमतान पोरणें गोंय सरकार पांवड्यार कार्यावळींचे आयोजन केलां. जाल्यार सत्ताधारी भाजपान राज्यांतल्या विवीध वाठारांत नितळसाळ मोहिमे सयत विवीध शिबिरां घेवपाचे निश्चीत करून ताची तयारीय सुरू केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
