भांगरभूंय | प्रतिनिधी
भांगरभूंय । प्रतिनिधी
केंपेंः केंपें मतदारसंघातल्या आठ पंचायतींतल्या पांच पंचातींत भाजपा समर्थक सरपंच आनी उपसरपंच जाल्यात जाल्यार तीन पंचायतींनी काँग्रेस समर्थक गटांनी सत्ता मेळयल्या. खोला, बार्शें, अवडें- कोठंबी आनी आंबालवी पंचायतींचेर आदलो उपमुख्यमंत्री बाबू कवळेकार हांच्या समर्थक गटाचे सरपंच आनी उपसरपंच जाल्यात.
पांच पंचायतीचेर आपल्या समर्थकांची सत्ता हाडपाक कवळेकार येसस्वी जाल्ल्यान विधानसभा वेंचणुकेंत हार खावची पडिल्ल्यान तांचो केंपें मतदारसंघांतलो प्रभाव कमी जातलो अशें दिसतालें. मात तशें जावंक ना हें दिसून आयलें. काँग्रेस आमदार एल्टन डिकॉस्ता हांच्या समर्थक पॅनलान मोरपिर्ला, नाकेरी- बेतून आनी बाळ्ळी पंचायतींत स्ता मेळयल्या. डिकॉस्ता हांचो भाव संजिल डिकॉस्ता हाका मात फातर्पें पंचायत वेंचणुकेंत हार खावची पडिल्ली.
बाळ्ळी आनी आंबावली पंचायतीचो कांय वाठार कुंकळ्ळी मतदारसंघात येता. आमदरा डिकॉस्ता आनी बाबू कऴळेकार हांका आपापल्या पंचायतींत मात सत्ता मेळोवप शक्य जालें ना. डॉकॉस्ता हे फातर्पें पंचायतींतले जाल्यार कवळेकार नाकेरी- बेतुल पंचायतींतले आसात.
वेंचून आयिल्ले सरपंच, उपसरपंचः आंबावली- सरपंच- देविदास देयकार, उपसरपंच- सेबिस्तिना रिबेलो. अवडें- कोठंबीः सरपंच- भूपेंद्र गांवस देसाय, उपसरपंच- शिल्पा गजानन प्रभूदेसाय. फातर्पेंः सरपंच- महेश फळदेसाय, उपसरपंच- मेदिनी नायक. बार्शेंः सरपंच- अर्जुन वेळीप, उपसरपंच- शिवन्या वेळीप. खोलाः सरपंच- अजय पागी, उपसरपंच- कृपेश वेळीप. बाळ्ळीः सरपंच- गोविंद फळेदसाय, उपसरपंच- बिंदिया वेळीप. नाकेरी- बेतूलः सरपंच- प्रितम देईलकार, उपसरपंच- किशोर नायक
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
