भांगरभूंय | प्रतिनिधी
दामू नायक : वास्को सावन जनजागृती मोहिमेक सुरवात
भांगरभूंय । प्रतिनिधी
मुरगांव : ‘एक देश एक वेंचणूक’ हो बरो निर्णय देश दिता खातीर चालीक लायला. सगल्यांनी ताका येवकार दिवपाक जाय. प्रधानमंत्री नरेंद्र मोदी हांणी खूबशे बरे निर्णय देश सेवे खातीर येवजिल्यात. तातूंत ‘एक देश एक वेंचणूक’ मोहीन येसस्वी करचे कातीर सगळ्यांनी मुखार सरचे, असो उलो भाजप प्रदेशाध्यक्ष दामू नायक हांणी मारलो.
वास्कोच्या ड्रायव्हरव्हील खेळां आनी सांस्कृतीक क्लबा वतीन ‘एक देश एक वेंचणूक’ मोहिमेक भुटेभाट वाठारांतल्यान सुरवात केली. हे मोहिमेचो शुभारंभ दामू नायक हांचे हस्तुकीं जालो. ह्या वेळार तांचे वांगडा वास्कोचे आमदार कृष्णा सालकार, पणजेचे आदले आमदार सिद्धार्थ कुंकळकार, मुरगांवचे नगराध्यक्ष गिरीष बोरकार, चिखलीचे सरपंच कमलाप्रसाद यादव, जिल्हो पंचायत वांगडी अॅड. अनिता थोरात, भाजप म्हणयारे गिरीराज वेर्णेंकार, राज्य भाजप सचीव सर्वानंद भगत, नगरसेविका शमी साळकार, नगरसेवक अमय चोपडेंकार, वास्को भाजप गट अध्यक्ष सिद्धार्थ कासकार, गौरीश कळंगूटकार आनी हेर मानेस्त हाजीर आशिल्ले.
आमदार साळकार हांणी सांगलें, वास्को वांगडा पुराय गोंयांतल्या पयलेच खेपे मतदान करपी तरणाट्यांनी ‘एक देश एक वेंचणुके’क येवकार दिला. देशांतल्यो विधानसभा आनी लोकसभेची वेंचणूक एकाच वांगडा घेतली जाल्यार ताचो फायदो निश्चीत भारतांतल्या दरेका नागरिकाक जातलो. हाका लागून देशाचो अर्थीक खर्च आनी वेळ पेड्डेर जावचो ना. हे खातीर दरेकल्यान ‘एक देश एक वेंचणूक’ हाचे जागृती मोहिमेक तेंको दिवपाक जाय.
गौरी रेडकार हांणी प्रधानमंत्री मोदी हांणी घेतिल्ल्या ‘एक देश एक वेंचणूक’ निर्णयाक येवकार दिलो. गौरीश चोडणकार हांणी सुत्रसंचालन केलें जाल्यार दामोदर लोटलीकार हांणी उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
