भांगरभूंय | प्रतिनिधी
खबरां संस्था
इंग्लंडः संवसारीक वन-डे चॅम्पियन इंग्लंडाक पयले वन-डेंत 10 विकेटीनी हारयल्ल्याचें इनाम भारतीय पंगडाक मेळ्ळा. बुधवारा जाहीर जाल्ले आयसीसी वन-डे क्रमवारींत भारत आतां तिसरे सुवातेर पावला. पाकिस्तान पंगडाक फाटीं उडोवन भारत टी-20, वन-डे आनी टॅस्ट ह्या क्रिकेटीच्या तिनूय फॉर्मेटांत वयल्या 3त आशिल्लो एकसुरो पंगड आसा.
मंगळारा इंग्लंडाक तांच्या घरच्या मैदानाचेर 10 विकेटीनी हारोवन भारतान 3 रेटींग गुण मेळयले. हे मॅची पयलीं भारत 105 गुणानी चवथे सुवातेर आशिल्लो. ही मॅच जिखले उपरांत भारतीय पंगडान 108 रेटींग गुण जोडले. ताका लागून पाकिस्तान (106) 2 गुणानी फाटीं पडला.
न्यूझिलंडाचो पंगड 129 रेटींग गुणां सयत आयसीसी क्रमवारींत पयले सुवातेर कायम आसा. इंग्लंड 122 गुणांनी दुसरे सुवातेर आसा. जसप्रीत बुमराह, मोहम्मद शमीन दरेकी स आनी तीन विकेटी घेवन तशेंच कॅप्टन रोहीत शर्मान बरी बॅटींग करून भारताक आयसीसी क्रमवारींत तिसरे सुवातेर हाडलें.
आयसीसी वन-डे क्रमवारी
1- न्यूझिलंड- 126 गुण
2- इंग्लंड – 122 गुण
3- भारत- 108 गुण
4- पाकिस्तान – 106 गुण
5- ऑस्ट्रेलिया – 101 गुण
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
