भांगरभूंय | प्रतिनिधी
भारतीय क्रिकेट नियामक मंडळान (बीसीसीआय) इंडीयन प्रिमीयर लिगेच्या फुडल्या पांच वर्सां खातीर मिडिया हक्का खातीर पावणी प्रक्रिया घेतली. हातूंत वट्ट 44 हजार 75 कोटींक टिव्ही आनी डिजीटल हक्कांची विक्री जाली. पूण, खंयचे कंपनी हे अधिकार विकत घेतले हे विशीं अजून मेरेन अधिकृत घोशणा जावंक ना.
2023 ते 2027 ह्या कालावधी खातीर आयपीएल प्रसारण हक्कां खातीरची पावणी प्रक्रिया काल पुर्ण जाली. भारतीय उपखंडा खातीर टिव्ही आनी डिजीटल हक्क ह्या वेळार विकले. हो वेव्हार 44 हजार 75 कोटींनी जाल्ल्याची म्हायती मुखार आयल्या. ह्या वेळार टिव्ही खातीरचे हक्क 23 हजार 575 कोटींनी जाल्यार डिजीटल प्लॅटफॉर्म खातीरचे हक्क 20 हजार 500 कोटींनी विकले. आयपीएलाच्या 410 मॅचीं खातीर ह्या हक्कांची विक्री जाल्ल्यान एके मॅचींतल्यान सुमार 105 कोटींची कमाय बीसीसीआय करतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
