SBI त ६००० परस चड जाग्यां खातीर नोकरी भरती

भांगरभूंय | प्रतिनिधी

पदवी मेळयल्या उपरांत बँकेंत नोकरी करपाचें सपन पळोवपी तरणाट्यां खातीर भारतीय स्टेट बँकेन एक व्हड संद हाडल्या. SBIत शिकाऊ पदाचे भरती खातीर अधिसुचवण्यो जारी केल्यात. जारी केल्ले अधिसुचवणे प्रमाण, देशभरांतल्या स्टेट बँकांच्या फांट्यांत भरती जातली. ह्या रित्या पदां वरवीं वट्ट ६१६० पदांचेर भरती जातली. ह्या पदां खातीर ऑनलायन अर्ज करपाक शकतात.

SBIन जारी केल्ले अधिसुचेवणे प्रमाण अप्रेंटीस पदाची अर्ज प्रक्रिया आयज सावन म्हळ्यार १ सप्टेंबर २०२३ सावन सुरू जाल्या. हे खातीर अर्ज करपाक उमेदवारांक २१ सप्टेंबर २०२३ मेरेन वेळ आसा. अर्ज करपाक फकत २१ दीस आसात, देखून बेगीन नोंदणी करात. अर्ज कसो करचो तें सकयल पळोवंक मेळटा.

SBI शिकाऊ उमेदवारां खातीर अशे करात अर्ज

शिकाऊ पदा खातीर अर्ज करपा खातीर उमेदवारांक अधिकृत वेबसायट sbi.co.inक भेट दिवची पडटली.
वेबसायटीच्या होम पेजीवेल्या करिअर लिंकाचेर क्लिक करात.
उपरांत तुमकां Engagement of Apprentices Under The Apprentices ह्या लिंकाचेर वयचें पडटलें.
पयलीं फुडल्या पानाचेर नोंदणी फॉर्म भरचो.
नोंदणी केल्या उपरांत अर्ज शुल्क जमा करात.
निमाणें अर्ज भरून प्रक्रिया पुराय करची.
अर्ज केल्या उपरांत प्रिंटअवट घेवपाक विसरूं नाकात.

SBI शिकाऊ भरती २०२३ खातीर हांगा फॉर्म भरात

एसबीआय अप्रेंटिसच्या ह्या रित्या पदा खातीर अर्ज प्रक्रिया सुरू जाल्या. हातूंत अर्ज करपा खातीर अर्जाची फी जमा करप गरजेचें. ह्या रित्या पदा खातीर अर्ज करपी सामान्य, OBC आनी EWS श्रेणींतल्या उमेदवारांक शुल्क म्हणून ३०० रुपया जमा कराचे पडटले. तशेंच सगळ्या श्रेणींतले उमेदवार शुल्क भरिनासतना ऑनलायन अर्ज करपाक शकतात.

अप्रेंटिसशिपा खातीर अर्ज करपा खातीर उमेदवारांनी मान्यताय प्राप्त विद्यापिठाची पद्वी घेतिल्ली आसपाक जाय. खंयच्याय विशयांतल्यान पदवी मेळयल्ल्या उमेदवारांक हे रिते सुवातेर अर्ज करपाक मेळटले. उमेदवारांच्या पिराय मर्यादे विशीं फकत २० वर्सां वयर आनी २८ वर्सां सकयल्या उमेदवारांकूच वांटो घेवपाक मेळटा. पूण आरक्षणाच्या आवांठा खाला येवपी लोकांक पिरायेचे वयले मर्यादेंत सवलत दितले.

स्टेट बँक ऑफ इंडियान जाहीर केल्ल्या ह्या रित्या पदां वरवीं वट्ट ६१६० पदांचे भरती जातली. हातूंत सगळ्या राज्यां खातीर जागो निश्‍चीत केला. राजस्थानांत सगळ्यांत चड जागे आसात. ९२५ पदां खातीर भरती जातल्यो. उपरांत तामिळनाडूंत. अधिकृत सुचवणेंत तुमी राज्य आनी जिल्ह्या प्रमाण जागो पळोवपाक शकतात.