PM YASASVI प्रवेश परीक्षे खातीर नोंदणी प्रक्रिया सुरू

भांगरभूंय | प्रतिनिधी

भांगरभूंय । खबरां संस्था
नवी दिल्ली: नॅशनल टेस्टींग एजन्सीन PM YASASVI प्रवेश परीक्षे खातीर नोंदणी प्रक्रिया परत सुरू केल्या. ती 17 ऑगस्टा मेरेन सुरू आसतली. हातूंत अर्ज करपाक उमेदवारांक PM² YASASVI अ‍ॅन्ट्रन्स टेस्टी खातीर yet.nta.ac.in हे अधिकृत वेबसायटीक भेट दिवची पडटली. पीएम येसस्वी शिश्यवृत्ती येवजणे खातीर नोंदणी प्रक्रिया ऑनलायन सुरू जाल्या. हातूंत नोंदणी करपाक कसलेच तरेची फी भरची पडची ना.

अर्ज कसो करपाचो

शिश्यवृत्ती येवजणे खातीर अर्ज करपाक पयलीं वेबसायट yet.nta.ac.in क भेट दिवची पडटली. पयल्या पानाचेर नवो उमेदवार नोंदणी ह्या लिंकाचेर वचात. उपरांत ऑनलायन नोंदणी खातीर अर्ज करपाक लिंकाचेर क्लीक करात. मागणी केल्ल्या तपशीलां सयत नोंदणी फॉर्म भरात. नोंदणी उपरांत कागदपत्रां जमा करात. मागरी प्रींट घेयात.
NTA न जारी केल्ले अधिसुचवणे प्रमाण, ज्या उमेदवारांनी पीएम येसस्वी शिश्यवृत्ती खातीर नोंदणी केली ते 18 ऑगस्ट ते 22 ऑगस्ट मजगतीं अर्जांनी सुदारणा करपाक शकतात. मजगतीं हे शिश्यवृत्ती खातीर प्रवेश परीक्षा 29 सप्टेंबराक जातली.

ह्या कागदपत्रांची गरज आसतली

पासपोर्ट आकाराचो फोटो आनी उमेदवाराची सय, मोबायल नंबर आनी ईमेल, उत्पन्न प्रमाणपत्र, आधार कार्ड, मूळ नाम्याचो पुरावो, फाटल्या वर्साची गुणपत्रिका (8 वी वा 10 वी), बँक पासबूक खातें क्रमांक हाची पीएम येसस्वी शिश्यवृत्ती येवजण नोंद करपाक गरज आसा.
नांवां नोंद करपी यत्ता णववेच्या विद्यार्थ्यांची जल्मतारीख 1 एप्रील 2007 ते 31 मार्च 2011 मजगतीं आसची. तशेंच, यत्ता 11वेच्या विद्यार्थ्यांची जल्म तारीख 1 एप्रील 2005 ते 31 मार्च 2009 मजगतीं आसची.