भांगरभूंय | प्रतिनिधी
देशांतल्या शेतकारांक अर्थीक मजत दिवपा खातीर सरकार विवीध येवजण्यो राबयता. हांतली एक म्हतवाची येवजण म्हळ्यार प्रधानमंत्री किसान सन्मान निधी येवजण (Pradhan Mantri Kisan Samman Nidhi). हे येवजणे वरवीं दरवर्सा शेतकारांक ६००० रुपयांची मजत करता.
हातूंत चार म्हयन्याक २००० रुपयांचो हप्तो दिता. आतां मेरेन १६ हप्ते शेतकारांच्या खात्यांत एकठांय जाल्यात. मजगतीं, खुबश्या शेतकारांक पीएम किसान येवजणेचो १६ वो हप्तो मेळूंक ना. हो हप्तो मेळूंक ना जाल्यार कागाळी कश्यो आनी खंय करतले? हे विशीं जाणून घेयात.
प्रधानमंत्री नरेंद्र मोदी हांचे हस्तुकीं २८ फेब्रुवारी दिसा PM² किसान येवजणेच्या १६ व्या हप्त्याची रक्कम देशांतल्या करोडांनी शेतकारांच्या खात्यांत धाडल्या. मात, ती आजूनय खुबश्या शेतकारांच्या खात्यांत येवंक ना. जर तुमी पीएम किसान येवजणे खातीर अर्ज केला जाल्यार हे येवजणेची रक्कम आजूनय तुमच्या खात्यांत येवंक ना. जाल्यार तुमी कागाळ खंय करतले?
खंय करतले कागाळ?
जर तुमच्या खात्यांत PM² किसान येवजणेच्या हप्त्यांची रक्कम आजून येवंक ना जाल्यार तुमी [email protected] वा [email protected] चेर ईमेला वरवीं कागाळ करपाक शकतात. तुमकां जाय जाल्यार तुमी पीएम किसान येवजणेच्या हेल्पलायन नंबर ०११-२४३००६०६ वा १५५२६१ चेर कॉल करपाक शकता वा पीएम किसानचे टिमी कडेन उलोवपाक तुमी टोल फ्री १८००-११५-५२६ चेर संपर्क सरपाक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
