भांगरभूंय | प्रतिनिधी
तुमचे वांगडा अशें जायते फावटीं घडलां आसतलें, तुमी वेबसायट उगडटा तेन्ना I am not robot अशें सांगपी व्हेरीफिकेशन तुमचे स्क्रिनीचेर आयलां आसतलें. तुमी व्हेरिफिकेशन करूंक ना जाल्यार, तुमकां वेबसायटीचेर मुखार सरपाक मेळना. ताका लागून हें पावल वगडावप कठीण जाता. आतां प्रस्न असो की खंयचीय वेबसायट अशें व्हेरिफिकेशन टूल कित्याक इन्स्टॉल करता? हें टूल इन्स्टॉल करपा फाटलें कारण कितें?
‘कॅप्चा’ खंयचेय वेबसायटीचेर स्थापीत करता. कारण कॅप्चांत कांय अक्षरां बरयिल्लीं आसतात. जीं मनशान समजून घेवप आनी उपरांत टायप करप अशें आसता. रोबोट हें काम करपाक शकना. जायते फावट अक्षरां बदला कांय फोटो दितात. जे निवडपाक सांगतात.
खंयचेय वेबसायटींत इतले फ्रिल्स कित्याक जोडटात, हो प्रस्न सगळ्यांक पडटा. ह्या प्रस्नाची जाप म्हणल्यार केन्ना केन्नाय बॉट्स लेगीत साइटचेर येता. हें वेबसायटीक माल करपाचो यत्न करता. ताका आडावपा खातीर हे सुरक्षा उपाय करतात.
वेबसायटीचे सुरक्षे खातीर, जायत्यो वेबसायटी कॅप्चा वापरतात आनी I am not robot व्हेरिफिकेशन सुरक्षा साधनां वापरतात. ह्या व्हॅरिफिकेशना खातीर वापरप्यांक एका बॉक्साचेर क्लिक करचें पडटा. ह्या बॉक्साचेर क्लिक करतना सगळ्यांच्या मनांत एक प्रस्न उप्रासता तो म्हळ्यार ‘रोबॉट ह्या बॉक्साचेर क्लिक करूंक शकना?’ तशें न्हय, रोबॉट लेगीत ह्या बॉक्साचेर क्लिक करून व्हेरिफिकेशन प्रक्रिया पुराय करूंक शकता. जेन्ना गरज आसता तेन्ना, क्लिक करपा खातीर तुमी ह्या बॉक्सांत कशे पावतात हें म्हत्वाचें. हें कर्सरचे हालचाली वरवीं सोदतात. मनशाची कर्सरची हालचाल झिग-झॅग आसा, म्हळ्यार आमी मावस कर्सर सरळ बॉक्सांत हालयनात. मात दुसरे कडेन रोबोट सरळ लायनींत ह्या बॉक्सा मेरेन पावता. ताचो कर्सर सरळ बॉक्सा मेरेन वता. हाचे वेल्यान बॉक्सार क्लिक करपी व्यक्ती काय रोबोट हें ह्या टुला वरवीं कळटा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
