भांगरभूंय | प्रतिनिधी
फोंडेंः पळासकट्टाे- मोल्यां काल सांजवेळार जाल्ल्या मोटारसायकल अपघातांत एकल्याक मरण आयलें. हो आपअपघात आशिल्ल्याचें पुलिसांनी सांगलें.
काल सांजवेळा सुमार साडे चार वरांचेर जाल्ल्या अपघातांत संजू बडींगनवर (34) हाका मरण आयलें. तो मूळ कर्नाटकांतलो सद्या मायणा कुडटरे रावतालो. मयताचे तकलेक जखम जाल्ल्यान भरपूर रगत व्हांवलें. ताणें तकलेक घाल्ल्या हॅल्मॅटाचेय कुडके जाले.
तो कर्नाटकांतल्या आपल्या गांवघरा गेल्लो आनी मोटारसायकलीक तांदळाची पोती बांदून परतून गोंया येतालो. पुलिसांनी हो अापअपघात जाल्ल्याचें म्हणलां. कुळें पुलिसांनी पंचनामा करून फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
