भांगरभूंय | प्रतिनिधी
नवी दिल्ली, खबरां संस्था: केंद्र सरकार संसदेच्या येवपी अर्थसंकल्पीय अधिवेशनांत नवीन प्राप्तिकर विधेयक सादर करपाची शक्यताय आसा, तातूंत सध्याच्या प्राप्तिकर कायद्याक अदीक सोपो, सुटसुटीत आनी जनसामान्यां खातीर समजुपा योग्य करपाचो यत्न आसतलो. केंद्रीय अर्थमंत्री निर्मला सीतारामन हांणी फाटल्या वर्सा जुलयांत मांडिल्ल्या अर्थसंकल्पांत स दसकांत आदल्या १९६१च्या प्राप्तिकर कायद्याचो स म्हयन्यांत व्यापक आढावो घेवपाची घोशणा केल्ली. संसदेच्या अर्थसंकल्पीय अधिवेशनांत नवी प्राप्तिकर कायदो सादर करतले. हो नवीन कायदो आसतलो, विद्यामान कायद्यांत फकत सुधारणा करूंक नाशिल्ल्याचें स्पश्ट केलें. सध्या कायदो मंत्रालयाकडल्यान ह्या मसुद्याची पडताळणी करता आनी तो अधिवेशनाच्या दुसर्या स म्हयन्यांत संसदेंत हाडपाची शक्यताय आसा, अशें सुत्रांनी सांगलें.
अर्थसंकल्पी अधिवेशन ३१ जानेवारी ते ४ एप्रील मेरेन जातलें. १ फेब्रुवारीक केंद्रीय अर्थसंकल्प सादर करतले. येणावळ कर कायद्याची भास सोंपी करप, वाद उणे करप, संबंदीत पालन उणें करप आनी गरजे भायर तरतुदी अशा चार वर्गांनी सुचोवण्यो मागयल्यात. ह्या कायद्याच्या पुनर्विलोकना संबंदी येणावळ कर खात्याक सुमार ६,५०० सुचोवण्यो मेळ्ळ्यात.
सध्याच्या कायद्यांत कितें आसा?
येणावळ कर कायदो १९६१, जो सरळ कर वैयक्तीक येणावळ कर, कंपनी कर, सिक्युरिटीज उलाढाली कर (एसटीटी), भेट आनी संपत्ती कर हांचे विशीं आसा. तातूंत सुमार २९८ विभाग आनी २३ अध्याय आसात.
मजगतीं, आय-टी कायदो, १९६१ चो व्यापक नियाळ घेवपा खातीर सीतारामन हांणी केल्ल अर्थसंकल्पीय घोशणा प्रमाण केंद्रीय प्रत्यक्ष कर मंडळान (सीबीडीटी) नवो येणावळ कर कायदो संक्षिप्त, स्पश्ट आनी समजूंक सोंपें करपा खातीर एक अंतर्गत समिती स्थापन केल्ली, जाका लागून कर- संबंदीत वाद, दावे आनी करदात्यांक समाधान मेळटलें. कायद्याच्या वेगवेगळ्या आंगांचो नियाळ घेवपा खातीर २२ खाशेल्यो उपसमिती तयार केल्यात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
