भांगरभूंय | प्रतिनिधी
पणजीः केंद्रान गोंंया खातीर 7 लाख 41 हजार 160 स्मार्ट मिटर मंजूर केल्ले आसले तरी हातूंतलो एकूय मिटर वीज खात्यान बसोवंंक ना. राज्यसभेंतल्या प्रस्नोत्तरांतल्यान ही म्हायती मेळ्ळ्या.
स्मार्ट मिटर बसोवपा खातीरची निविदा सरकारान जारी केल्या. कंंत्राटदार निश्चीत जाले उपरांंत स्मार्ट मिटर बसोवपाचो वावर सुरू जातलो अशी म्हायती वीज खात्याच्या अभियंंत्यांं कडल्यान मेळ्ळी.
खासदार सुश्मिता देव हांंच्या प्रस्नाक केंद्रीय उर्जा राज्यमंंत्री श्रीपाद नायक हांंणी ही लेखी जाप दिल्या. सध्याचे जे मिटर आसात, तातूंतल्यान वीज वापराचे सारके रिडींंग मेळना. हाका लागून कांय जाणांक चड बील येता. कांय जाणांक उणें बील येता. सगल्यांक योग्य बील येवचें म्हूण सगल्या राज्यांंनी स्मार्ट मिटर बसोवपाची केंद्राची येवजण आसा. रिवॅम्पड डिस्ट्रिब्युशन सेक्टर स्कीम (आरडीएसएस) खाला स्मार्ट मिटर बसोवपाची तजवीज आसा. जुलय 2021 वर्सा केंद्रान ह्या येवजणेक मान्यताय दिल्या. आंध्र प्रदेश, आसाम, बिहार, छत्तीसगड, मध्य प्रदेश, सिक्कीम, महाराष्ट्र उत्तर प्रदेश ह्या राज्यांंनी स्मार्ट मिटर बसोवपाक सुरवात जाल्या. गोंंया खातीर 7 लाख 41 हजार 160 स्मार्ट मिटर मंंजूर केल्यात. स्मार्ट मिटरा वरवीं विजेच्या वापराचो नियाळ घेवप लेगीत शक्य जातलें.
विजेची गळटी तशेंच चोरयेचेर नियंंत्रण दवरपा खातीर स्मार्ट मिटर बसोवपाचो गोंंय सरकाराचो प्रस्ताव आसा. हाची कार्यवाही अजून सुरू जावंक ना.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
